Kronaka
Mara bi ġrieħi gravi wara li nqelbet bil-karozza f’Ħaż-Żebbuġ

Mara ta’ 27 sena sofriet ġrieħi gravi wara li nqelbet bil-karozza f’Ħaż-Żebbuġ.

L-inċident seħħ għall-ħabta 01:10 fi Triq l-Imdina, Ħaż-Żebbuġ, fejn vettura tat-tip Maruti 800 nqelbet fuq il-ġenb u fiha kien hemm mara maqbuda.

Il-mara, residenti Ħal Luqa, għal xi raġuni tilfet il-kontroll tal-vettura u nqelbet.

Fuq il-post kellhom jissejħu l-membri mid-Dipartiment tal-Protezzjoni Ċivili li assistew sabiex il-mara
setgħet tinħareġ mill-vettura.

Il-vittma ttieħdet l-Isptar Mater Dei għall-kura permezz ta’ ambulanza u iktar tard hija ġiet iċċertifikata li qiegħda ssofri minn ġrieħi gravi.

L-investigazzjoni tal-Pulizija dwar dan l-inċident għadha għaddejja.

Aħbarijiet Oħra
Ambjent

Tabella max-xatt tal-Mellieħa, fl-inħawi tat-Tunnara, twissik li mhux permessi BBQs jew tined. Għal ħafna għawwiema iżda jidher li din it-tabella setgħet ma saritx, b’numru kbir ta’ tined li llum intramaw…

Qorti

Raġel weħel 6 xhur ħabs wara li pprova jitlaq minn Malta b’dokumenti foloz. Immigrant mill-Mali, li daħal Malta sena ilu, ġie kkundannat sitt xhur ħabs wara li ammetta li pprova…

Toroq

Dalgħodu, 83 vettura twaqqfu fi Triq il-Kosta minn uffiċjali tal-Pulizija li jidderiġu t-traffiku wara li nstabu li kienu qed jiksru l-liġi tat-triq. Madwar 200 karozza ġew iċċekkjati mill-uffiċjali tal-Pulizija fejn…

Kronaka

Connie Mifsud instabet qawwija u sħiħa wara li ġiet irrapportata nieqsa dalgħodu. Iktar kmieni, iben Connie, Chris Mifsud, kiteb fuq il-midja soċjali biex javża li ommu, li għandha d-dimensja, kienet…

Aktar