Barranin
F’Arizona: Mara twelled tarbija wara 10 snin f’koma

F’Arizona, fl-Istati Uniti, il-Pulizija fetħet investigazzjoni wara li pazjenta li ilha f’koma għaxar snin ħarget tqila u weldet tarbija fid-29 ta’ Diċembru.

Qed jiġi suspettat li l-pazjenta sfat attakkata sesswalment fil-klinika fejn hija rikoverata.

L-awtoritajiet li jmexxu l-klinika mhumiex jagħtu dettalji dwar il-każ iżda stqarrew li dan huwa episodju inkwetanti.

It-tarbija jingħad li tinsab f’saħħitha waqt li qed jiġu rappurtati li l-infermiera fil-klinika lanqas biss intebħu li l-pazjenta kienet tqila.

Minkejja li għaddejja investigazzjoni dwar il-każ għadu mhux magħruf jekk hemmx inkjesta.