Qorti
Mara nqabdet dieħla f’Malta bil-kokaina moħbija fil-qalziet ta’ taħt

Hendrick Albert Asaitie ta’ 35 sena u Brigitte Clarissa Moese studenti ta’ 20 sena it-tnejn mill-Karibew u b’passaport Franċiż, tressqu l-Qorti akkużati li kienu kompliċi u li mportaw id-droga kokaina bil-ħsieb li jitraffikawha.

Moesa kienet akkużata wkoll b’pussess ta’ droga wara li d-droga nstabet moħbija fuq barra tal-parti privata tagħha fil-qalziet ta’ taħt. Huma wieġbu li mhux ħatja tal-akkużi miġjuba kontrihom.

L-Ispetturi Kevin Pulis u Mark Anthony Mercieca qalu li l-Pulizja kellha informazzjoni li kienet se jidħol ammont ta’ droga f’Malta. Qal li identifikaw it-titjira u l-persuni u meta l-akkużati ħarġu mill-ajruport, il-pulizija segwiethom sal-lukanda f’Tas-Sliema.

Qalu li kien hemmhekk x’ħin il-Pulizija intervjenew u filwaqt li l-t-tnejn li huma għamlu kollox flimkien bħal ibbukkjaw it-titjira u għamlu check-in fil-lukanda, minn tfittxija li saret fuq il-persuna tagħhom, instab li fuq barra tal-parti tal-mara nstabet id-droga kokaina.

L-imputati permezz tal-avukati Mario Mifsud u Lennox Vella, wieġbu li mhumiex ħatja tal-akkużi miġjuba kontrihom. Id-difiża f’dan l-istadju ma talbux għall-ħelsien mill-arrest. Il-Qorti, ppreseduta mill-Maġistrat Gabriella Vella, ordnat l-iffriżar tal-assi tal-imputati.

Ara wkoll:

2 persuni arrestati fl-ajruport wara li nqabdu b’2kg droga

Aħbarijiet Oħra
Reliġjon

Ilbieraħ, f’Sibt il-Għid, il-Bormliżi inawguraw l-Irxoxt wara li sarlu r-restawr. Ma’ TVM ir-restawratriċi Valentina Lupo kienet spjegat li l-istatwa kellha erba’ problemi, fosthom diversi qsim fl-injam. Fir-restawr saru wkoll interventi fuq…

Temp

L-uffiċċju meterjoloġiku qed ibassar riħ qawwi. Ir-riħ mix-Xlokk Lvant ser ikun qawwi ħafna fuq l-inħawi fejn jaqbel tal-Gżejjer Maltin. Din it-twissija tibqa’ fis-seħħ sal-għaxra tal-lejla u terġa’ tiġġedded kif meħtieġ.

Saħħa

Mistenni jibda x-xahar id-dieħel ix-xogħol ta’ twaqqiegħ u tħammil għat-tieni dar residenzjali għal persuni bil-marda newroloġika tal-ALS. Il-proġett, f’Ħaż-Żebbuġ, mistenni jiswa sitt miljun Ewro. Ma’ TVM, il-fundatur tal-Fondazzjoni ALS Malta,…

Aktar