Lokali
Mara riekba quddiem fuq il-passiġġier f’San Ġiljan

Mara llum intlemħet riekba fuq passiġġier fis-seat ta’ quddiem f’karozza li kienet qed tinstaq f’San Ġiljan.

Persuna li bagħtet dan ir-ritratt lil TVM qalet li l-karozza kienet għaddejja minn Triq Spinola għall-ħabta tas-1.00 ta’ waranofsinhar.

Il-karozza tat-tip BMW Z4 hija two-seater, u għalhekk ma tesgħax iktar minn żewġ persuni. Peress li l-karozza hija wkoll bla saqaf, il-persuni fiha kienu ħafna iktar viżibbli.

Il-persuna li ħadet ir-ritratt qaltilna li l-karozza mxiet distanza mhux ħażin bi tlieta min-nies fiha; mill-bajja ta’ Spinola saċ-ċentru ta’ Paceville. Intant, persuni li għamlu kuntatt ma’ TVM qalu li l-karozza ntlemħet għaddejja wkoll mill-Gżira.

Aħbarijiet Oħra
Lokali

Il-Gvern qal li rapporti mxandra fuq mezzi tax-xandir, li kienu wkoll riprodotti minn membri tal-Oppożizzjoni, dwar allegazzjonijiet ta’ żidiet fil-pagi tal-membri tal-Kabinett huma għalkollox foloz. Fi stqarrija, il-Gvern qal li s-salarji…

Għawdex

Ċifri li kiseb TVM juru li nhar Santa Marija, il-kumpanija Gozo Channel operat mad-90 vjaġġ, żieda ta’ 14-il vjaġġ fuq l-istess jum is-sena l-oħra. B’kollox nhar il-Ħamis qasmu lejn Għawdex…

Qorti

Żewġ żgħażagħ Ingliżi li m’għandhomx residenza fissa f’Malta, tressqu l-Qorti akkużati b’pussess ta’ droga li nstabet f’ċirkostanzi li ma kinetx għall-użu esklussiv tagħhom. L-ispettur Anthony Scerri ppreżenta bħala evidenza kważi…

Aktar