Kronaka
AĠĠORNAT: Raġel fil-periklu tal-mewt wara inċident ieħor f’Għajnsielem

Sewwieq ta’ mutur jinsab fil-periklu tal-mewt wara l-inċident li seħħ waranofsinhar f’Għajnsielem, f’Għawdex.

L-inċident seħħ għall-ħabta tal-15:45 fi Triq l-Imġarr, Għajnsielem, bejn vettura tat-tip Hyundai i20 misjuqa minn raġel ta’ 44 sena mill-
Ukrajna minn San Ġiljan, vettura tat-tip Toyota Vitz misjuqa minn mara ta’ 46 sena mill-Għarb u mutur tat-tip Triumph Tiger Explorer XC misjuq minn raġel ta’ 59 sena mix-Xagħra, Għawdex.

Konsegwentement, iż-żewġ vetturi u l-mutur kellhom ukoll impatt ma’ żewġ vetturi tat-tip Nissan Micra u Toyota Prius li kienu pparkjati.

Fuq il-post issejħu membri mid-Dipartiment tal-Protezzjoni Ċivili kif ukoll ambulanza li ħadet lis-sewwieq tal-mutur l-Isptar Ġenerali t’Għawdex għall-kura fejn ġie ċċertifikat li jinsab fil-periklu tal-mewt. Il-mara wkoll ittieħdet l-isptar minħabba li kienet qiegħda
ssofri minn xokk qawwi.

Bil-każ ġiet infurmata l-Maġistrat tal-Għassa Dr. B. Sultana li ħatret diversi esperti sabiex jassistuha fl-Inkjesta li ġiet appuntata.

L-investigazzjoni dwar dan l-inċident għadha għaddejja.

Dan huwa t-tieni inċident li seħħ fl-istess triq fi żmien ġimgħa. Waħda mill-vittmi tal-inċident li seħħ ġimgħa ilu, Latvjana ta’ 41 sena, tilfet ħajjitha llum.

 

Aħbarijiet Oħra
Lokali

Il-Ministru għat-Trasport, l-Infrastruttura u l-Proġetti Kapitali Ian Borg ħatar lill-Eks Kummissarju Ewropew Karmenu Vella bħala Konsulent dwar l-Avjazzjoni. Il-Ministru Ian Borg qal li Karmenu Vella għandu esperjenza vasta f’diversi setturi…

Lokali

B’investiment ta’ €4.2 miljun il-korporazzjoni għar-Riġenerazzjoni tal-Port il-Kbir bdiet il-proġett ta’ restawr tal-Ġnien tal-Mall fil-Floriana, li jinkludi fih 7,500 metru kwadru ta’ pavimentar ġdid. Il-Ministru għall-Infrastuttura u Proġetti Kapitali Ian Borg qal li…

Lokali

Peter, il-kelb tad-Dwana, irnexxielu jaqbad €16,500 flus kontanti mhux iddikjarati fuq passiġġier li kien sejjer Istanbul, fl-Ajruport Internazzjonali ta’ Malta. Fi stqarrija, id-Dwana qalet li waqt l-iskrinjar tal-passiġġieri li kienu se…

Annimali

L-għaqda Nature Trust ħabbret li dalgħodu faqqsu 11-il fekruna oħra fil-bajja tar-Ramla l-Ħamra. Huma faqqsu li l-lejl ta’ qabel kienu diġà faqqsu 62 fekruna, fl-istess bajja. B’hekk issa b’kollox faqqsu 73…

Aktar