Kultura
Marċ funebru jindaqq għall-ewwel darba snin wara li nkiteb

Marċ funebru miktub minn Maestro Joseph Sammut fis-seklu l-ieħor indaqq għall-ewwel darba taħt id-direzzjoni tiegħu stess waqt kunċert ta’ marċi funebri imtella’ fil-jiem li għaddew mis-Soċjetà Filarmonika Nazionale La Valette.

Maestro Sammut illum jgħodd 92 sena.

In-noti kiebja tal-marċ funebri “Al mio caro Giuseppe” instemgħu għall-ewwel darba fil-jiem li għaddew f’kunċert li ttella’ mis-Soċjetà Filarmonika Nazionale La Vallette.

Il-marċ inkiteb ħafna snin ilu. Iżda kien biss l-għada ta’ Jum id-Duluri, li ndaqq għall-ewwel darba taħt id-direzzjoni ta’ Mro Joseph Sammut innifsu. Kien kitbu f’ġieħ Ġużeppi Vella, li f’nofs is-seklu 20 ressqu lejn is-Soċjetà La Vallette; kif jirrakkonta f’din l-intervista mxandra fil-programm ta’ Television Malta “Rasimbras”.

“Ġuzi Vella wieħed mill-kumitat semmieni li jafni, għax jigi l-kunċerti tiegħi u ddiskutu bejniethom. Min kien jgħid għax għadu żgħir, min kien jgħid għax tal-orkestra, u hekk,” spjega l-Kompożitur Joseph Sammut.

Id-deċiżjoni ttieħdet, u eventwalment Mro Sammut dam 37 sena Surmast Direttur tas-Soċjetà.

Il-marċ baqa’ ma ndaqq qatt, qabel din is-sena, b’osservazzjoni tar-regolamenti tas-soċjetà.

“Il-kumitat kellhom xi regoli li ma nistgħux noffru mużika għall-kumitati u ma aċċettawx li jindaqq. Min ħadu dan il-marċ, ma nafux fejn hu, u llum, peress li hemm in-neputi tiegħu fil-kumitat, xtaq li jindaqq u xtaq li nidderiġih jiena,” spjega Mro Sammut.

Fi tmiem id-daqq tal-marċ, akklamazzjoni kbira għal Mro Sammut, li tela’ fuq il-palk ta’ 92 sena waqt kunċert ta’ marċi funebri li s-Soċjetà La Vallette tellgħet fl-Istitut Kattoliku.

Il-kunċert sħiħ, imsejjaħ La Sollevazione di Cristo, taħt id-direzzjoni tas-Surmast Taljan Antonino Oddo, se jixxandar fuq TVM2 illejla fis-7.00 pm.

Aħbarijiet Oħra
Kronaka

Sirjan ta’ 25 sena sofra ġrieħi gravi wara li sofra xi ħruq ikkawżati minn fjamma li ħarġet huwa u jbiddel ċilindru tal-gass. L-inċident seħħ għall-ħabta tal-11:20 fi Triq is-Sibbien f’Marsaskala,…

Annimali

Fis-Siġġiewi, instabu 8 żoni fejn kien qed isir l-insib illegalment. Dan qalitu l-CABS fi stqarrija u saħqet li dawn ix-xbieki li jitpoġġew taħt l-ilma kienu qed jintużaw għall-insib tal-Pispisella, iċ-Ċewċewwa…

Ambjent

Wara li lbieraħ Infrastructure Malta qalgħet siġar mejta fit-Telgħa tas-Saqqajja biex tagħmel il-wisa’ għal siġar ġodda, illum beda x-xogħol ta’ tħawwil. Dalgħodu TVM żar il-post u seta’ josserva l-kumplament tat-tneħħija…

Aktar