Politika
AĠĠORNAT: Marthese Portelli tirriżenja minn deputat

Id-deputat Nazzjonalista Marthese Portelli rriżenjat minn Membru Parlamentari. Hija ħabbret dan fuq il-midja soċjali, fejn qalet li bid-deċiżjoni tagħha infurmat lill-Ispeaker tal-Kamra.

“Il-politika għandha tintuża biss biex jitkattar il-ġid komuni. Nawgura minn qalbi lil kull min jidħol fil-politika sabiex jidħol biss biex jagħmel il-ġid,” qalet Dr Portelli.

Dr Portelli awgurat lill-membri parlamentari ħidma fejjieda fl-aħjar interess tal-poplu Malti u Għawdxi, u ħeġġithom biex jaħdmu biss għal dak li hu sew u għal dak li hu fl-aħjar interess tal-pajjiż “permezz ta’ politika ta’ persważjoni u mhux politika tal-għajjat u tgħajjir.”

Qalet li dawn is-seba’ snin ta’ ħidma parlamentari se tibqa’ tgħożżhom, u li matulhom ressqet ’il fuq minn 300 proposta f’oqsma diversi.

Hija rringrazzjat lill-Kap ta’ l-Oppożizzjoni Adrian Delia u lill-eks Kap tal-Oppożizzjoni Simon Busuttil tal-fiduċja illi qalet dejjem urew fiha, kif ukoll lill-kollegi ta’ kull naħa fil-Parlament u lill-poplu li eleġġiha.

Marthese Portelli li għandha 43 sena ġiet eletta l-ewwel darba fil-Parlament fl-2013. Fl-aħħar elezzjoni ġenerali hija giet eletta wkoll minn żewġ distretti; mit-tlettax-il distrett u mid-disa’ distrett. Hija kienet ċediet it-13-il distrett, u għalhekk issa mistenni li tinfetaħ it-triq għal by election fid-disa’ distrett biex jimtela s-siġġu vakat tagħha.

Il-Kap Nazzjonalista Adrian Delia, waqt li faħħar il-kontribut li tat fil-politika, irringrazzjaha u ħeġġiġha tibqa’ tagħti l-kontribut tagħha b’risq il-Partit Nazzjonalista u l-pajjiż.

Aħbarijiet Oħra
Kronaka

Raġel ta’ 34 sena, li joqgħod il-Fgura, weġġa’ gravi waqt li kien qed isuq ir-rota. Mill-ewwel investigazzjonijiet tal-pulizija jirriżulta li ċ-ċiklist kellu mpatt ma’ bollard u ġarrab xi ġrieħi. Huwa…

Kronaka

Żagħżugħ ta’ 19-il sena minn Ħal Tarxien ġie arrestat il-lejl li għadda dwar serqa minn lukanda f’San Pawl il-Baħar. Il-Pulizija qalet li għall-ħabta tal-11:30 p.m. irċeviet rapport minn ħaddiema ta’…

Politika

B’reazzjoni għall-istqarrija tad-deputati Nazzjonalisti li rrefera għalihom bħala li sal-lum mhux magħrufa, il-Kap tal-Oppożizzjoni u tal-Partit Nazzjonalista Adrian Delia qal li s-sottomissjonijiet legali diġà saru minnu stess mal-President ta’ Malta…

Aktar