Eurovision
Martin Österdahl appuntat Executive Supervisor tal-Eurovision

Martin Österdahl ġie appuntat Executive Supervisor tal-Eurovision Song Contest u l-Junior Eurovision Song Contest, minflok Jon Ola Sand, li kien ilu 10 snin fil-kariga.

Österdahl kien Executive Producer tal-Eurovision Song Contest fl-2013 u fl-2016 meta l-avveniment kien sar f’Malmö u fi Stokkolma, u kien ukoll membru tal-Grupp ta’ Referenza bejn l-2012 u l-2018.

Id-deċiżjoni li jiġi magħżul Österdahl għal din il-kariga ttieħdet mid-Direttur tal-Midja tal-EBU, Jean Philip De Tender, flimkien maċ-Chairperson tal-Grupp ta’ Referenza tal-ESC, Dr Frank Dieter Freiling.