Lokali
Mater Dei jiċħad li ntbagħtu d-dar pazjenti bl-influwenza li kellhom bżonn aktar kura

L-isptar Mater Dei ċaħad kategorikament li kien hemm xi direzzjoni mill-amministrazzjoni, li pazjenti bl-influwenza li jkun għad fadlilhom bżonn kura akuta, jintbagħtu d-dar. Dan b’reazzjoni għal dawk li l-isptar sejjaħ stejjer bla ebda bażi li ġew ippubblikati fil-gazzetta n-Nazzjon.

L-amministrazzjoni tal-isptar qalet fi stqarrija li s-saħħa ta’ kull pazjent hija ta’ importanza massima u kull ħaddiem fl-isptar, minn professur sa carer, jaħdmu ta’ kuljum biex jassiguraw li kull pazjent jingħata l-aqwa kura possibbli. Intqal li bħalissa, kif jiġri ta’ kull sena, fl-isptar ikun hemm influss akbar ta’ pazjenti, kemm minħabba l-influwenza u anki l-kesħa li qed tagħmel. Madankollu ntqal li f’ebda ħin ma ttieħdet xi deċiżjoni kif ġie allegat fil-gazzetta, u li l-pubbliku Malti jista’ jserraħ rasu li deċiżjoni dwar jekk pazjent jintbagħatx id-dar jew le hija deċiżjoni klinika li tittieħed mit-tobba u ħadd aktar.

L-amministrazzjoni tal-isptar temmet tgħid li huwa inaċċettabbli li f’mument delikat għall-isptar Mater Dei, ħaddiema ta’ dan l-isptar tiżdidilhom il-pressjoni bi stejjer fittizji li jallarmaw lill-poplu bla bżonn.

Aħbarijiet Oħra
Lokali

L-Arċisqof Charles Scicluna ħabbar li se jkun qed iqaddes quddiesa għal ruħ Daphne Caruana Galizia nhar it-Tnejn li ġej. Il-quddiesa se ssir fit-3.00 ta’ waranofsinhar fil-knisja tal-Bidnija, preċiżament ġimgħa wara…

Lokali

Il-valur ambjentali tal-alka li fil-maltemp timla bosta bajjiet qed jiġi enfasizzat b’regolamenti ġodda tal-Awtorita tal-Ambjent u r-Riżorsi li ħarġet linji gwida dwar kif u meta għandhom isiru ħidmiet ta’ tindif…

Lokali

Din hija ħarsa lejn il-ġurnali ppubblikati llum is-Sibt 21 ta’ Ottubru 2017: Fl-ewwel paġna ta’ L-Orizzont insibu ritratt tax-xena fejn seħħ il-qtil tal-ġurnalista u blogger Daphne Caruana Galizia akkumpanjat bit-titlu…

Lokali

Fil-bidu tax-xahar id-dieħel se ssir it-23 edizzjoni tal-festival internazzjonali tal-korijiet f’Malta mtella’ mill-Awtorità tat-Turiżmu. Din is-sena fil-festival li se jdum għaddej tlett ijiem, se jieħdu sehem 36 kor minn madwar…

Aktar