Immigrazzjoni
Matteo Salvini se jgħaddi ġuri talli żamm immigranti milli jiżbarkaw fl-Italja

Is-Senat Taljan ivvota favur il-prosekuzzjoni tal-ex Ministru tal-Interrn Matteo Salvini talli mblokka vapur bl-immigranti ‘l barra mill-kosta Taljana, f’Awwissu li għadda.

Aktar minn 100 immigrant damu 19-il ġurnata bejn sema u ilma ‘l barra mill-gżira ta’ Lampedusa, abbord il-bastiment Spanjol Open Arms.

Prosekuturi fi Sqallija qed jakkużaw lil Salvini b’detenzjoni illegali – akkuża li ġġor magħha piena sa 15-il sena ħabs.

Salvini li huwa kontra l-immigrazzjoni diġà se jgħaddi ġuri fuq każ simili.

Is-Senat ivvota 149 vot favur u 141 vot kontra, li lil Salvini titneħħielu l-immunità parlamentari u għalhekk issa huwa mistenni jiffaċja proċeduri legali.

Salvini li għandu 47 sena jgħid li kienet il-politika tal-Gvern Taljan li jipprevjeni lill-immigranti rregolari milli jjiżbarkaw fl-Italja.

“Li niddefendi l-Italja mhux reat. Jien kburi li għamilt hekk u nerġa’ nagħmel hekk,” saħaq Salvini.

 

Aħbarijiet Oħra
Barranin

L-Iżvezja li ma marritx għal lockdown waqt din il-pandemija, irreġistrat tnaqqis ta’ 8.6% fl-ekonomija bejn ix-xhur ta’ April u Ġunju meta mqabbel mat-tlett xhur ta’ qabel. Skont l-uffiċċju tal-istatistika tal-pajjiż…

Barranin

Il-Qorti għolja Ingliża qalet li l-kumpannija tal-linja tal-ajru Virgin Atlantic se tfalli jekk il-kredituri tagħha ma japprovawx ftehim ta’ 1.2 biljun lira sterlina biex isalva lill-kumpannija. Skont l-avukati tal-linja tal-ajru,…

Barranin

Queensland fl-Awstralja estendiet l-għeluq tal-fruntiera minn ma’ New South Wales u l-Australian Capital Territory bil-għan li jikkontrollaw l-imxija tal-Covid-19. L-istat ta’ Victoria huwa magħluq meqjus bħala l-epiċentru tat-tieni mewġa tal-virus,…

Barranin

Dak li kellu jkun l-isbaħ jum għal din l-għarusa kellu jispiċċa f’wieħed mill-aktar traġiku hekk kif propju waqt it-tieġ tagħha seħħet l-isplużjoni f’Beirut li ħalliet għexieren mejta u mijiet midruba….

Aktar