Brexit
May tappella lill-Membri Parlamentari biex ma jtawlux il-proċess ta’ Brexit

Deċiżjoni tal-Kunsill Ewropew fis-sigħat bikrin ta’ dalgħodu, evitat il-ħruġ tar-Renju Unit mill-Unjoni Ewropea, li kellu jseħħ għada fil-ħdax ta’ billejl.

Il-Prim Ministru Ingliża Theresa May laqgħet l-estensjoni maqbula mas-27 mexxej Ewropew waqt li tenniet li ser tkompli tagħmel l-almu tagħha biex ir-Renju Unit joħroġ mill-Unjoni Ewropea qabel it-22 ta’ Mejju biex jiġi evitat li r-Renju Unit jieħu sehem fl-elezzjonijiet Ewropej.

Tmien sigħat ta’ diskussjonijiet fil-Kunsill Ewropew bejn il-mexxejja tal-Unjoni Ewropea, fosthom il-Prim Ministru Joseph Muscat, tat nifs ġdid lill-Gvern Ingliż biex isib soluzzjoni dwar kif ser joħroġ mill-Unjoni Ewropea. Id-diskussjoni fil-Kunsill Ewropew f’xi mumenti kienet imqanqla minħabba opinjonijiet diverġenti dwar it-talba tal-Prim Ministru Ingliża biex id-data ta’ Brexit tiġi posposta b’sitt xhur għall-31 ta’ Ottubru.

Fi tmiem il-laqgħa, il-President tal-Kunsill Ewropew Donald Tusk qal li x’jiġri minn issa sa Ottubru huwa f’idejn ir-Renju Unit iżda appella biex din l-opportunità ma tintilifx.

Ftit wara, il-Prim Ministru Ingliża Theresa May qalet li ser tkompli taħdem biex ir-Renju Unit joħroġ mill-Unjoni Ewropea x-xahar id-dieħel, u jevita li jieħu sehem fl-elezzjonijiet Ewropej.

Fil-House of Commons, May qalet li d-dibattitu dwar il-Brexit qiegħed jieħu wisq żmien u appellat lill-Membri Parlamentari biex ma jkomplux itawlu l-proċess.

Il-Kap tal-Oppożizzjoni Jeremy Corbyn qal li r-Renju Unit għandu joħroġ mill-Unjoni Ewropea mill-aktar fis jew jinstabu soluzzjonijiet oħra għal din l-inċertezza.

L-estensjoni ta’ Brexit hija maħsuba li tagħti biżżejjed żmien lil House of Commons biex japprova l-ftehim dwar Brexit, li l-Kunsill Ewropew reġa tenna li ma jistax jinbidel.

Aħbarijiet Oħra
Teknoloġija

Huma bosta dawk li fuq il-Facebook qed itellgħu r-ritratt tagħhom ta’ kif se jkunu qed jidhru fil-ġejjieni. Iżda kemm hu għaqli li tagħmel dan? Xi tkun qed tagħmel eżatt meta…

Barranin

Minn tal-inqas 12-il persuna mietu u diversi ndarbu f’attakk fi studio, il-Ġappun. Skont midja Ġappuniża raġel daħal fi Kyoto Animation Co studio u sprejja xi likwidu. Kawża t’hekk ħadu xi…

Barranin

Fl-istat ta’ Massachusetts l-Istati Uniti l-prosekuturi waqqgħu l-akkuża kriminali kontra l-attur Kevin Spacey. Spacey ta’ 59 sena kien akkużat li abbuża sesswalment minn ġuvni ta’ 18-il sena tliet snin ġo…

Barranin

Fil-belt ta’ Sinaloa fil-Messiku, in-nies ferħet għall-aħbar li fl-Istati Uniti, il-kap tal-ikbar ċirku ta’ traffikar ta’ droga bejn il-Messiku u l-Istati Uniti, Joaquin El Chapo Guzman, ingħata sentenza ta’ għomor…

Aktar