Brexit
May tgħid li kellha diskussjoni “robusta” ma’ Juncker minħabba xi kummenti li għadda dwarha

L-aħħar Kunsill Ewropew taħt il-Presidenza Awstrijaka ntemm fi Brussell bi ftit li xejn progress fuq il-kwistjoni Brexit. Il-Prim Ministru Ingliża Theresa May dehret iffastidjata b’kummenti tal-President tal-Kummissjoni Ewropea, Jean-Claude Juncker iżda wara li ffaċċjatu, iż-żewġ naħat ma komplewx ifettqu.

F’summit ta’ jumejn, li għalih attenda l-Prim Ministru Joseph Muscat, il-Kunsill Ewropew ikkonkluda fost oħrajn li għandhom ikomplu jissaħħu l-kontroll fuq il-fruntieri esterni tal-Unjoni Ewropea u l-ħidma kontra t-traffikanti tal-immigranti.

Il-Prim Ministru tar-Renju Unit Theresa May temmen li għad tista’ tingħata l-assigurazzjonijiet li l-membri Parlamentari Inglizi jridu biex jappoġġjaw il-ftehim tar-Renju Unit dwar il-Brexit, minkejja li l-Unjoni Ewropea għamiltha ċara li mhux ser terġa’ tinnegozja dal-ftehim.

Fi tmiem summit ta’ jumejn, il-Prim Minstru qalet li t-taħdidiet biex jiġu ċċarati xi punti ta’ disgwid għandhom ikomplu. May stqarret d-diżapunt tagħha mal-President tal-Kummissjoni Ewropea Jean-Claude Juncker wara l-kummenti tiegħu li d-dibattitu dwar il-ftehim tal-Brexit kien vag.

Qabel issukktaw il-laqgħat tal-Kunsill Ewropew, May dehret taffaċċja lil Juncker li min-naħa tiegħu jidher jipprova jikkalma lill-Prim Ministru May.

Theresa May qalet “what came out of that was his clarity that actually when he used that particular phrase (nebulous) he’d been talking about a general level of debate.”

Il-President Juncker iċċara li ma kienx qed jirreferi għal May iżda għad-dibattitu fir-Renju Unit.

Jean Claude Juncker qal “din ħuduha mill-aħħar mistoqsija tal-ġurnalisti meta jiddeskriv lil May bħala mara ta’ kuraġġ u li qed tipprova tagħmel xogħlha bl-aħjar mod possibbli.”

Il-President tal-Kunsill Ewropew, Donald Tusk qal li l-Prim Ministru May ġiet trattata bl-ikbar rispett u japprezza l-isforzi tagħha biex tirratifika l-ftehim dwar il-Brexit. Fi tmiem il-Kunsill Ewropew, il-President Tusk qal li l-mexxejja qablu li jappoġġjaw miżuri għal kontroll fuq il-fruntieri esterni tal-Unjoni Ewropea. Qablu li jkomplu jsaħħu l-ġlieda kontra t-traffikanti, u tiżdied il-koperazzjoni mal-pajjiżi minn fejn jitilqu l-immigranti. Il-Kunsill Ewropew qal li jeħtieġ li jsir iżjed biex ikun assigurat li s-Suq Uniku tal-Unjoni Ewropea jevolvi biex iħaddan it-trasformazzjoni diġitali, inkluż l-Intelliġenza Atrifiċjali.

Aħbarijiet Oħra
Kronaka

Malti ta’ 19-il sena li kien jinsab miżmum arrestat ġewwa l-Lock-up fil-Kwartieri Ġenerali tal-Pulizija, ipprova jweġġa’ lilu nnifsu. Il-każ seħħ illum fis-7pm.  Intervent immedjat tal-Pulizija waqqaf din l-azzjoni u r-raġel…

Lokali

San Ġiljan sebaħ nadif pupilla wara lejl ta’ divertiment f’Jum San Patrizju. Il-ħaddiema tat-tindif xkupaw 15-il tunnellata ta’ skart f’ħames sigħat. Ma’ sbieħ it-Tnejn filgħodu, il-Pjazza ta’ Spinola u toroq tal-madwar…

Kronaka

Lejn is-snin sittin tas-seklu sbatax, il-Berġa tal-Italja kienet imżejna b’dak li jissejjaħ la scala grande, it-taraġ il-kbir. Bl-interventi strutturali li sar fil-berġa tul is-snin il-preġju tat-taraġ intilef meta fost oħrajn…

Aktar