Brexit
May tgħid li laħqet kompromess dwar il-problema tal-fruntiera mal-Irlanda

Lejlet l-aħħar vot fil-Parlament Ingliż dwar jekk il-ftehim mal-Unjoni Ewropea għal Brexit għandux jiġi addotat mir-Renju Unit, il-Kummissjoni Ewropea ċċaqalqet dwar il-kwistjoni tal-fruntiera tal-Irlanda ta’ Fuq. Dan seħħ wara laqgħa t-Tnejn tard filgħaxija fi Strasburgu bejn il-Prim Ministru Theresa May u l-President tal-Kummissjoni Ewropea Jean Claude Juncker u l-Kap Negozjatur Michel Barnier.

Juncker qal li d-dikjarazzjoni maqbula tagħti l-assigurazzjoni lill-Gvern Ingliż li mhux ser jinqabad b’sieq barra u oħra ġewwa l-Unjoni Ewropea. Qal li dan kien it-tieni u l-aħħar ċans. Madankollu, il-parir legali tal-Avukat Ġenerali Ingliż, Geoffrey Cox, lill-House of Commons hu li legalment din l-assigurazzjoni ma biddlet xejn.

Il-Prim Ministru May qalet li l-gvern għamel l-almu tiegħu biex jemenda l-ftehim dwar Brexit wara l-vot ta’ xahrejn ilu. Viżibilment għajjiena u b’vuċi maħnuqa, f’indirizz lill-House of Commons it-Tlieta waranofsinhar, Theresa May qalet li jekk il-ftehim dwar Brexit ma jiġix approvat fil-vot tal-lejla, hemm riskju kbir li r-Renju Unit jispiċċa joħroġ mingħajr ftehim jew saħansitra ma joħroġx mill-Unjoni Ewropea.

F’Jannar, Theresa May tilfet il-vot dwar il-ftehim dwar Brexit b’130 vot. Analisti politiċi qed jgħidu li jekk illejla l-ftehim ma jiġix approvat, dan ikun sinjal ta’ sfiduċja f’Theresa May u n-negozjati tal-Gvern tagħha għal Brexit. X’se jiġri wara hu kaxxa magħluqa.

Aħbarijiet Oħra
Barranin

Fir-Renju Unit bdiet it-tellieqa għall-mexxej tal-Partit Konservattiv li jmiss, wara li lbieraħ, Theresa May ħabbret li se tirriżenja x-xahar id-dieħel. Din l-elezzjoni mhux se tirriżulta biss f’mexxej ġdid tal-partit, imma…

Barranin

Mill-inqas 8 persuni ndarbu wara li pakkett suspettat b’bomba sploda fiċ-ċentru tal-belt Franċiża ta’ Lyon. Lyon hi t-tielet l-ikbar belt fi Franza. Il-Pulizija ssiġillaw ix-xena tal-inċident u bħalissa fuq il-post…

Unjoni Ewropea

Wara li lbieraħ bdew jivvutaw l-Ingliżi u l-Olandiżi, illum kien imiss lill-Irlandiżi u ċ-Ċeki biex joħorġu jivvutaw biex jaħtru d-deputati Ewroparlamentari. Fir-Repubblika Ċeka l-votazzjoni maqsuma fuq jumejn bil-għan li t-turnout…

Barranin

Is-sajf fl-Italja mistenni jkun ikkaratterizzat minn temp estrem, b’perjodu ta’ nixfa u xita qalila. L-esperti tat-temp fl-Italja ltaqgħu dan l-aħħar f’Ruma u qed ibassru li l-istaġun sajfi se jkun kemmxejn…

Aktar