Barranin
May tirriżenja uffiċjalment minn mexxej tal-Partit Konservattiv

Theresa May illum qed tirriżenja uffiċjalment minn mexxej tal-Partit Konservattiv, iżda se tibqa’ Prim Ministru sakemm jintgħażel is-suċċessur tagħha.

Theresa May ħabbret ir-riżenja tagħha ġimgħatejn ilu, meta qalet li kien ta’ dispjaċir kbir għaliha li ma rnexxilhiex twettaq Brexit.

Il-ħruġ tar-Renju Unit mill-Unjoni Ewropea kkaraterizza ż-żmien li Theresa May għamlet f’10 Downing Street.

Oriġinarjament, ir-Renju Unit kellu joħroġ mill-Unjoni Ewropea fid-29 ta’ Marzu, imma mbagħad ġie pospost għat-tnax ta’ April, u eventwalment għandu jseħħ fl-aħħar ta’ Ottubru.

Ħdax-il membru parlamentari Konservattiv esprimew interess li jieħdu postha bħala mexxej tal-partit u mbagħad Prim Ministru. In-nominazzjonijiet jiftħu u jagħlqu nhar it-Tnejn.

Dan ifisser li fir-realtà, Theresa May se tibqa’ tmexxi l-partit hi sakemm fit-22 ta’ Lulju jitħabbar il-mexxej il-ġdid.

Sadanittant, il-Partit Konservattiv qed jitlef mill-fiduċja tal-Inġliżi. Fil-by-election f’Peterborough, il-Partit Konservattiv spiċċa fit-tielet post wara l-Partit Laburista u l-Partit Brexit.

Ara wkoll:

Viżibbilment emozzjonata tħabbar ir-riżenja tagħha

Aħbarijiet Oħra
Barranin

L-awtoritajiet Amerikani approvaw sanzjonijiet ġodda kontra ċ-Ċina minħabba liġi ġdida ta’ ndħil dwar is-sigurtà f’Hong Kong. Din il-liġi kienet ikkundannata mill-komunità internazzjonali. Il-miżuri tal-Gvern Amerikan li għaddew bi qbil assolut…

Barranin

Il-pulizija f’Hong Kong għamlet l-ewwel arresti taħt il-liġi l-ġdida imposta minn Beijing kontra l-protesti. Dan hekk kif għadd kbir ta’ nies fakkru it-23 sena mit-tmiem tat-tmexxija Ingliża. Aktar minn 300…

Barranin

Raġel fl-Istati Uniti spara fuq mara li ħaditlu bandiera tan-Nażi li kellu mwaħħla quddiem daru f’Oklahoma. L-uffiċċju tax-Sheriff ta’ Garfield County qal li l-mara kienet qegħda f’festin fil-viċin, meta f’ħin…

COVID-19

Puplesija, delirju, ansjetà, konfużjoni, għejja, u l-lista tkompli. Il-Covid-19 mhix biss marda respiratorja! Ma kull ġimgħa li tgħaddi, qed joħroġ aktar ċar kemm il-coronavirus jista’ jwassal għal problemi newroloġiċi. Il-maġġoranza…

Aktar