Saħħa
Mediċina tad-dijabete qed tintuża fir-riċerka tal-kanċer

Ir-riċerka fit-trattament tal-kanċer wasslet tliet riċerkaturi; żewġ Amerikani u Ingliż, biex jirbħu l-premju Nobel tal-Mediċina.

Professur Taljan mill-Università ta’ Bologna, li jinsab Malta fuq stedina tad-dipartiment tal-Patologija fl-Università ta’ Malta, qal li r-riċerka tagħhom turi kif mediċini użati fi trattament ta’ mard u kundizzjonijiet oħra jistgħu jwaqqfu l-progress tal-kanċer.

Il-Professur Taljan Giovanni Romeo jgħid li l-ġlieda kontra l-kanċer ma tieqaf qatt. L-għada li tħabbru t-tliet rebbieħa tal-premju Nobel għall-Mediċina, il-Professur Romeo qal li ir-riċerka tat-tliet rebbieħa tal-premju Nobel timxi id f’id ma’ riċerka li qed jieħu sehem fiha biex jinstab kif iċ-ċelloli tal-kanċer jaddattaw għall-ossiġinu li juża l-bniedem.

“Cancer is a very shrewd entity… Cancers do find devious ways to overcome therapeutic strategies, so research is the only way to go,” qal Prof Romeo.

It-tliet rebbieħa tal-premju Nobel huma l-Amerikani Gregg Semenza u William Kaelin u l-Ingliż Sir Peter Ratcliffe. Is-sigriet tal-ħidma ta’ din ir-riċerka, qal il-Professur Romeo, hija kif mediċina diġà fis-suq, li ħafna jużawha għat-trattament tad-dijabete, tintuża wkoll għat-trattament tal-kanċer.

“By using a pharmacological approach we have a good model which can be used to a clinical trial,” qal Prof Romeo.

Il-premju Nobel għall-mediċina tħabbar mill-Istitut Karolinks fi Stokkolma, u ngħata lit-tliet xjentisti Ratcliffe, Semenza u Kaelin għar-riċerka li għamlu, u li fetħet tieqa fuq strateġija li tista’ eventwalment tiġġieled il-preżenza, mhux biss tal-kanċer, imma ta’ mard ieħor.

Aħbarijiet Oħra
Kultura

Inqas minn xahar bogħod mill-Karnival, karru satiriku qajjem kontroversja. L-awtoritajiet iridu li l-karristi jbiddluh biex ma jkunx offensiv waqt li l-karristi qed jiddefendu l-idea tal-karru u jgħidu li ma ġietx…

Trasport

Minn nhar is-Sibt it-traġitti bil-passiġġieri bejn Malta u Kemmuna ser jibdew isiru minn Kooperativa Comino Ferries li fiha seba’ operaturi. Il-koperattiva kienet l-uniku operatur li għamel l-offerta wara sejħa pubblika…

Lokali

Persuni b’mard kroniku jew diżabilità qed iħossuhom diskriminati li kumpaniji tal-assikurazzjoni mhux qed iħalluhom jixtru polza ta’ assikurazzjoni fuq ħajjithom li mingħajrha ma jistgħux jieħdu self mill-bank jew possibilment jibdew…

Lokali

Il-missjoni tal-Kummissjoni tas-Servizz Pubbliku, bħala organu mwaqqaf mill-Kostituzzjoni, hi li tassigura li l-ingaġġ ta’ ħaddiema maċ-ċivil ikun effiċjenti u bbażat fuq il-mertu. Il-Kummissjoni tieħu ħsieb ukoll il-proċeduri dixxiplinarji fil-konfront tal-ħaddiema…

Aktar