Lokali
Membri Parlamentari Ewropej b’kundanna għall-Italja għad-deċiżjoni li ħadet dwar l-immigranti

Diversi Membri Parlamentari Ewropej ikkundunaw il-pożizzjoni li ħadet l-Italja fil-każ tal-immgiranti fuq il-vapur Aquarius f’dibatitu fil-Parlament Ewropew. Il-President tal-Parlament Ewropew Antonio Tajani appella lil-mexxejja tal-Unjoni Ewropea biex jieħdu deċiżjonijiet u ma jħallux lill-pajjiżi fil-Mediterran waħidhom.

F’dibattitu ta’ sagħtejn fil-Parlament Ewropew dwar l-immigrazzjoni, il-President tal-Parlament Ewropew Antonio Tajani qal li s-sitwazzjoni fil-Mediteran hija waħda ta’ emerġenza u tenħtieġ l-intervent tal-Unjoni Ewropea għax qal li din il-problema ma tistax tissolva mill-Istati Membri waħidhom. Huwa talab lill-Kunsill tal-Unjoni Ewropea biex ma jibqax jitfa din il-problema taħt it-tapit u jħallu l-kwistjonijiet bejn il-pajjżzi membri.

Antonio Tajani qal li “dawn il-konfronti jagħmluha aktar diffiċli biex insibu soluzzjoni. Jekk naraw x’ser jiġri fis-snin li ġejjin irridu neddiċiedu mill-aktar fis. Sal-2050 ser ikun hemm 2.5 biljun persuna fl-Afrika.

Il-Kummissarju Ewropew għall-Immigrazzjoni Dimitris Avramopoulos qal li mhu ser jidħol fl-ebda logħba ta’ min hu t-tort fil-kwistjoni tal-Aquarius, iżda qal li kull pajjiż membru għandu jerfa’ r-responsabilità.

Dimitris Avramopoulos qal li “our migration policy can only succeed if we work together in a spirit of solidarity and sincere cooperation and most importantly in trust, not if a country proceeds with unilateral and uncoordinated initiatives.”

Diversi membri parlamentar inkluż Taljani, ikkundannaw l-aġir tal-Ministru tal-Intern Taljan Matteo Salvini, fil-konfront li qalu kien populist, xenofobiku u mhux uman.

Il-Membri Parlamentari Maltin Roberta Metsola, David Casa u Miriam Dalli qalu li Malta ilha snin twissi dwar din is-sitwazzjoni. Appellaw biex Malta u l-Italja jaħdmu flimkien u jimbuttaw lill-Unjoni Ewropea biex tieħu pożizzjoni konkreta.

Aħbarijiet Oħra
Infrastruttura

Il-Korporazzjoni għas-Servizzi tal-Ilma minn għada se tibda tiswijiet fis-sistema ta’ katusi f’qiegħ il-baħar li jintuża għar-rimi ta’ drenaġġ trattat mill-impjant ta’ Għawdex. Il-ħidma delikata li għandha tieħu madwar tliet ġimgħat…

Kronaka

Raġel ta’ 33 sena weġġa’ gravi f’inċident bil-mutur f’Birkirkara. Il-Pulizija kienet infurmata bl-inċident fi Triq il-Wied għall-ħabta tal-4.45pm. Fi stqarrija l-Pulizija qalet li s-sewwieq, li jgħix il-Pietà, kien qed isuq…

Saħħa

F’Malta hawn madwar 7,000 persuna li għandhom id-demenzja, bl-istudji juru li l-għadd mistenni jiżdied għal mill-inqas 13,000 sal-2050. L-esperti jemmnu li din hija biss ix-xifer tal-istampa, minħabba li għadd ta’…

Stejjer Umani

Għalkemm il-Maltin ikunu qed jistennew is-sajf bil-ħerqa biex jaqtgħu xi ftit mir-rutina ta’ kuljum tax-xogħol, mhux l-istess jista’ jingħad għal Alfred Attard li ilu aktar minn 40 sena jiġbor il-melħ…

Aktar