Barranin
Messaġġ falz iqajjem paniku sħiħ fi stat Amerikan

Fil-Hawaii ftit tas-sigħat ilu qam paniku kbir minħabba li ħafna rċevew messaġġ fuq il-mobile tagħhom jispjega li missila ballistika kienet ser tolqot dan il-pajjiż u li għandhom ifittxu kenn kemm jista’ jkun malajr biex wara rriżulta li dan kien falz minħabba li ħaddiem għafas buttuna żbaljata u s-sistema bagħtet messaġġ liċ-ċittadini. Il-messaġġ kien trasmess anke bit-televiżjoni u r-radju. Wara 38 minuta li ħareġ il-messaġġ intbagħat messaġġ ieħor lil kulħadd li l-messaġġ kien falz.

Il-Gvernatur David Ige skuża ruħu għal dak li ġara filwaqt li l-Gvern Amerikan qal li ser issir investigazzjoni sħiħa biex dak li seħħ ma jerġax jiġri.

Il-Hawaii għandu sistema ta’ allert minħabba li potenzjalment jista’ jintlaqat mis-sistema tal-missili tal-Korea ta’ Fuq tant f’Diċembru kienet ippruvata l-ewwel sistema ta’ dan it-tip biex tavża lill-pubbliku b’mod immedjat li l-pajjiż ikun ser jintlaqat minn xi missila. Il-Hawaii kien ilu ma jimplimenta miżuri bħal dawn mit-tmiem tal-Gwerra l-Bierda.

Aħbarijiet Oħra
Barranin

Fit-Tramuntana tal-Ġappun splużjoni qawwija fi stabbiliment tal-ikel ħalliet 41 persuna midruba, wieħed minnhom jinsab f’kundizzjoni kritika. L-isplużjoni kkawżat ukoll nirien qawwija li qerdu għalkollox ir-restaurant li jinsab fid-distrett ta’ Toyohira….

Barranin

Fil-Polonja, negozjati wasslu biex il-ftehim dwar il-bidla fil-klima f’Pariġi, se jibda jopera fis-sena 2020. Delegati mill-pajjiżi li ffirmaw il-ftehim qablu bejniethom għal regoli ġodda li mistennija jassiguraw biex kull pajjiż…

Barranin

Dimostranti tas-sdieri sofor inġabru fix-Champs-Elysees f’Pariġi għal ħames tmiem il-ġimgħa ta’ protesti. Eluf ta’ pulizija jinsabu lesti f’każ li l-protesti jsiru vjolenti bħal dawk ta’ qabilhom. Il-moviment beda ħames ġimgħat…

Barranin

L-attriċi Eliza Dushku rċeviet $9.5 miljun bħala kumpens talli tkeċċiet minn serje televiżiva wara li lmentat minn fastidju sesswali. CBS laħqet ftehim barra l-Qorti ma’ Dushku, u ħallsitha s-somma sħiħa…

Aktar