Sinjal elettroniku fuq waħda mill-pannelli ta’ Transport Malta qanqal tbissima minn bosta li rawh meta fl-aħħar jiem kienu għaddejjin minn triq ewlenija f’Ħal Qormi.

Il-messaġġ jappella lis-sewwieqa biex ikunu kawti għaliex il-ħajja hija prezzjuża. Ħsieb pożittiv li x’aktarx kellu effett fuq is-sewwieqa iktar milli kien intenzjonat.

Dan għaliex żball fil-kitba beda jnissel tbissima f’dawk li jindunaw bih, u forsi serva biex itaffi ftit min-nervi li jakkumulaw b’taħlita ta’ sħana u traffiku.

Jingħad li d-daħk huwa l-aħjar mediċina, u għal mument ċkejken jaf ifakkar li l-ħajja hija tassew prezzjuża.