Lokali
Messaġġ lil ibnu qabel miet: “Bdejt dan il-vjaġġ biex inkun ta’ eżempju għalik”

Il-kuntistabbli Ryan Paul Tonna, li miet ħabta u sabta meta faga fl-ikel wara maratona fl-Italja, qal li beda l-atletika minħabba f’ibnu biex ikun ta’ eżempju tajjeb għalih.

F’messaġġ fuq il-paġna tal-Facebook tiegħu, Ryan qal li beda jitħarreġ u li din kienet l-ewwel nofs maratona li għamel wara li beda jitħarreġ 18-il xahar ilu.

Huwa rringrazzja lil martu Amanda li appoġġjatu f’dan il-vjaġġ, u li fi kliemu, kienet tibqa’ mqajma tistennieh biex tlestilu l-ikel wara li jasal mit-taħriġ.

Irringrazzja lill-kowċ tiegħu Ivan u persuni oħra li għenuh jasal s’hawn. Huwa feraħ atleti oħrajn Maltin li ġrew f’dik li kellha tkun l-ewwel u l-aħħar nofs maratona għalih.

Il-Fondazzjoni Blue Light, l-Assoċjazzjoni tal-Pulizija u l-Police Officers Union kien fos dawk li esprimew niket għall-mewt ħabta u sabta tiegħu u iddiskrivewh bħala kuntistabbli leali lejn xogħlu.

Ara wkoll:

Pulizija Malti jifga fl-ikel wara maratona fl-Italja