Xogħol
Meta l-ġenituri joħorġu jaħdmu jħalli effett ta’ ġid fuq it-tfal -il-Ministru Bartolo

Il-miżuri tat-tapering tal-benefiċċji socjali u l-in-work benefit wasslu biex aktar nisa daħlu fid-dinja tax-xogħol. Dan ħareġ f’konferenza bit-tema “Making Work Pay” li poġġiet taħt il-lenti l-introduzzjoni ta’ miżuri li jinċentivaw ix-xogħol flok il-benefiċċji soċjali.

Il-Ministru tal-Familja u Solidarjetà Soċjali, Michael Falzon, qal li l-profil tal-persuni li ma baqgħux dipendenti fuq il-benefiċċji soċjali juri li l-maġġoranza ta’ dawk li bbenefikaw mill-iskemi tat-tapering u tal-in work benefits huma nisa u ommijiet. Spjega li s-sistema tat-tapering li biha persuna barra l-paga, tibqa’ tieħu parti mill-benefiċċju soċjali għal tliet snin, wasslet biex inċentivat aktar nies biex joħoru jaħdmu. Qal li dan l-inċentiv kien msaħħaħ mill-inwork benefit għall-familji bit-tfal u childcare b’xejn.

Il-Ministru tal-Familja u Solidarjetà Soċjali, Michael Falzon qal ”sebgħin fil-mija kienu nisa li applikaw għal din l-iskema, ir-raġuni hija ovvja dawn kienu idle fid-dinja tax-xogħol u bis-saħħa ta’ din irnexxielhom li verament li jidħlu fix-xogħol u it pays off, li wieħed jaħdem.”

L-ekonomista Nicholas Ellul, mill-aġenzija Jobs Plus qal li minn studju li għamel irriżulta li kien hemm 64 fil-mija ta’ dawk li reġa’ bdew jaħdmu ma kinux jirritornaw lejn id-dinja tax-xogħol kieku ma sarux il-miżuri bħal tapering u l-inwork benefits. Qal li l-maġġoranza tagħhom għandhom minn wild wieħed sa żewġt ulied u qed jaħdmu fl-oqsma varji tal-ekonomija.

”Interessanti li naraw li huma l-iżjed fix-xogħlijiet li għandhom x’jaqsmu ma’ sales u xogħolijiet li għandhom x’jaqsmu ma’ machine assemblers u operators, jiġifieri jista’ jkun li l-ħiliet tagħhom kienu iktar tajbin għal dat-tip tan-natura tax xogħol.”

Il-Ministru tal-Edukazzjoni, Evarist Bartolo, qal li l-benefiċċji tal-persuni li jaħdmu ma jrendiex biss il-frott għall-ekonomija iżda hemm ukoll benefiċċji u impatt pożittiv fuq it-tfal.

”Meta l-ġenituri tat-tfal joħorġu jaħdmu jħalli effett ta’ ġid fuq it-tfal għax it-tfal jifhmu li meta tagħmel sforz itejjeb ħajjtek u allura biex itejjeb ħajjtek trid tagħmel sforz, u mhux allura tibqa b’dik il-mentalità li inti fl-aħħar tax-xahar se jasallek ċekk, anki jekk ma tagħmel xejn u allura tintelaq mal-kurrent.”

Fl-2012 kien hemm kważi għaxart t’elef persuna li kellhom bżonn għajnuniet soċjali u b’dawn l-inċentivi naqsu għal sitt elef, tmien mija u erbgħin f’Diċembru li għadda.

Aħbarijiet Oħra
Lokali

Il-Kummissjoni Ġustizzja u Paċi tal-Knisja organizzat laqgħa ta’ djalogu ma’ rappreżentanti tal-partiti politiċi dwar il-politika li għandu jħaddan il-Parlament Ewropew fil-leġislatura li jmiss. Il-Kummissjoni għażlet it-tema ‘Naġġustaw l-Ewropa għall-Ġid Komuni’…

Turiżmu

Fl-ewwel tliet xhur ta’ din is-sena ġew Malta ftit aktar minn 78,000 turist abbord il-vapuri tal-passiġġieri. Skont ċifri tal-Uffiċċju Nazzjonali tal-Istatistika kien hemm żieda ta’ aktar minn 810,000 passiġġier meta…

Xogħol

Ċifri tal-Eurostat juru li Malta hija fost 13-il pajjiż tal-Unjoni Ewropea li sal-2018 kienet diġà qabżet il-miri tal-impjiegi li kellhom jintlaħqu sal-2020. Il-Eurostat qal li s-sena l-oħra, Malta b’żieda ta’…

Partit Laburista

Il-Partit Laburista permezz tad-deputati Edward Zammit Lewis, Alex Muscat u l-kandidata għall-elezzjoni tal-Parlament Ewropew Fleur Vella, qal li l-Oppożizzjoni mhix kredibbli meta titkellem dwar il-finanzi tal-pajjiż. Dr Zammit Lewis qal…

Aktar