Politika
M’hemm xejn li jżomm lill-PM milli jippubblika r-rapport tal-Maġistrat Aaron Bugeja – il-PN

Il-Kap tal-Oppożizzjoni u tal-Partit Nazzjonalista, Adrian Delia, qal li bid-deċiżjoni tal-Qorti m’hemm xejn li jżomm lill-Prim Ministru, Joseph Muscat, milli jippubblika r-rapport tal-Maġistrat Aaron Bugeja għax qal li l-Qorti kkonkludiet li r-rapport huwa ta’ interess pubbliku. Dr Delia staqsa minn xiex qed jibża’ Dr Muscat, biex għadu qed jaħbi r-rapport.

F’attività politika fl-Imsida, Dr Delia qal li Dr Muscat jrid jiddiskuti l-abort issa għax fi kliemu l-Partit Nazzjonalista kixef li l-manifest tas-Soċjalisti Ewropej irid li jimponi l-abort. Il-Kap tal-Oppożizzjoni qal li t-Tnejn filgħaxija fil-Parlament kellha ssir diskussjoni fuq il-protezzjoni tal-embrijun u qal li minflok il-Gvern għalaq il-Parlament għax ma jrid jiddiskuti xejn.

Dr Delia qal li l-Gvern, wara li ħataf l-istituzzjonijiet, qed jipprova jaħtaf ukoll il-Parlament. Dr Delia qal li l-Gvern mhux se jirnexxilu jagħlaq ħalq il-Partit Nazzjonalista għax se jibqa’ jitkellem sakemm il-verità tasal għand il-poplu.

Irrefera għall-billboard tal-Partit Laburista li juri xi ħadd jagħfas il-panic button, Dr Delia qal li hu Dr Muscat li għafas il-panic button u ma jridx li nhar il-Ġimgħa jiddibatti fuq Xarabank dwar it-tniġġis tal-arja, il-qerda tal-ambjent u ż-żieda fit-traffiku. Stieden mill-ġdid lil Dr Muscat biex jaċċetta l-istedina ta’ Xarabank biex il-poplu jara min għandu l-aqwa ideat u min verament iħobb liż-żgħażagħ, il-ħaddiema u l-ġejjieni tal-pajjiż.

Il-Kap tal-Oppożizzjoni qal li Dr Muscat tilef il-kontroll tal-pajjiż u tal-ekonomija u qed jibża’ li jitlef il-kontroll tal-Partit Laburista. Dr Delia tenna li l-elezzjonijiet li ġejjin mhux ġlieda bejn il-partiti imma l-poplu jista’ jibgħat sinjal lill-Gvern li jrid ibiddel l-attitudni.

Aħbarijiet Oħra
Kultura

L-Orkestra Filarmonika ta’ Malta se terġa’ tikkollabora ma’ DJ Tenishia għal kunċert bla ħlas, is-Sibt 25 ta’ Lulju, fi Pjazza San Ġorġ il-Belt. Il-kunċert TEMPO se jġedded il-memorja ta’ ħafna…

Infrastruttura

Malta miżgħuda mini li tul is-snin tħaffru għal skopijiet differenti, fosthom għall-produzzjoni tal-ilma tal-pjan. L-aktar popolari x’aktarx huma dawk f’Ta’ Kandja, iżda inqas magħrufa u x’aktarx isbaħ minħabba l-istat naturali…

Sport

Il-Covid-19 ħarbtet il-programm ta’ għadd ta’ attivitajiet sportivi, mhux l-anqas tad-dilettanti tal-karozzi. Is-Sibt li għadda, taħt dawl artifiċjali u b’żiffa ħelwa sajfija, mijiet inġabru fit-trakka tal-Assoċjazzjoni Sport Muturi Karozzi biex…

Politika

Id-deputati li stqarrew li m’għandhomx fiduċja f’Adrian Delia qalu li se jibqgħu determinati li jġibu l-bidla meħtieġa fil-Partit Nazzjonalista u fil-pajjiż. Qalu li għat-tieni darba f’ġimgħa ġie kkonfermat li Dr…

Aktar