Barranin
Mhux id-dinja biss għandha s-silġ!

It-tradizzjoni ta’ Milied abjad, jew kif inhu magħruf aħjar bl-Ingliż; ‘white Christmas’, hija intrinsikament marbuta maċ-ċelebrazzjoni ta’ din il-festa fil-punent u postijiet oħra fid-dinja b’temperaturi baxxi.

Iżda s-silġ f’dawn iż-żminijiet mhux biss mhuwiex limitat għal ċertu nħawi fid-dinja, iżda lanqas huwa limitat għall-pjaneta tagħna biss.

Ritratti li ttieħdu mill-Aġenzija Spazjali Ewropea waqt il-missjoni Mars Express, juru ħofra kbira, magħrufa bħala ‘crater’, mimlija bis-silġ.

Dan huwa l-Korolev crater, u jinsab viċin in-north pole ta’ Mars. Huwa wiesgħa 82 kilometru u għandu fond a’ 1.8 kilometri silġ.

Dan il-crater issemma għal Sergei Korolev, l-arkitett tal-programm spazjali tal-Unjoni Sovjetika.