Saħħa
Ċerti tipi ta’ meninġite huma aktar perikolużi minn oħrajn – Prof. Charmaine Gauci

Dieqa kbira għall-familja li tilfet li binha ta’ erba’ snin li miet fl-isptar Mater Dei fejn idaħħal għall-kura b’kumplikazzjonijiet ikkawżati x’aktarx minn każ rari ta’ meninġite b’mikrobu partikulari. L-awtoritajiet tas-saħħa u tal-edukazzjoni filwaqt li qalu li m’hemmx lok għall-allarm, ħadu prekawzjonijiet meħtieġa għall-ħarsien tas-saħħa tat-tfal li kienu fl-istess klassi. Fl-istess waqt tennew l-appell għat-tilqim tat-trabi kontra l-maninġite.

TVM huwa infurmat li l-mewt tat-tifel ta’ erba’ snin b’waħda mil-varjetajiet ta’ meninġite setgħet kienet ikkawżata minn infezzjoni mhux komuni.

Ir-riskju li jkollok persuni oħrajn li jittieħdu jkun baxx ħafna. Minn statistika li għandna ma kellna l-ebda każ li ttieħed minn persuna oħra bħal dawn is-sitwazzjonijiet.

Is-Supretendent tas-Saħħa Pubblika, il-Professur Charmaine Gauci kompliet tisħaq li m’hemmx lok għall-allarm. Spjegat li uffiċjali mid-Direttorat tas-Saħħa Pubblika għamlu kuntatt mal-iskola fejn kien imur it-tifel u tkellmu mal-ġenituri tat-tfal.

Charmaine Gauci qalet “f’każ bħal dan ta’ strep pneumonia e, mill-ewwel rajna li n-nies li kienu f’kuntatt qrib ħafna tal-persuna u hemmhekk inkunu infurmajniehom biex jekk għal li jista’ jkun ikun hemm xi sintomi huma jkunu jafu bil-każ.”

Il-Professur Gauci spjegat li din it-tip ta’ meninġite hija rari ħafna tant li fl-2016 u l-2017 kienu rrappurtati każ ta’ mewt fis-sena waqt li ftit każi oħra ġew ikkurati meta jinqabdu fil-ħin.

Charmaine Gauci qalet “hawn Malta fortunatmanet ma jkollniex ħafna każijiet, ikollna inqas minn 10 każijiet fis-sena ta’ bacterial meningitis.”

Il-Professur Gauci spjegat li hemm diversi tipi ta’ meninġite, b’uħud huma perikolużi iżjed minn oħrajn. Spjegat li hemm 3 tilqimiet għat-tfal li jingħataw mid-Dipartiment tas-Saħħa u tilqim oħra għal tip ieħor ta’ meninġite li tingħata fil-privat.

Charmaine Gauci qalet “meta nitkellmu fuq bacterial meningitis fuq l-iskeda nazzjonali għandna dak il-coverage għal Hib li huwa tip ta’ bacterial meningitis li ilna nagħtuh u kellna coverage li huwa tajjeb ħafna.”

Għal strep pneumonia e s’issa m’għandiex tilqima li qiegħda fuq l-iskeda però aħna nafu li bir-rakkomondazzjonijiet li nagħmlu aħna biex il-pubbliku jlaqqam lit-tfal tiegħu kellna konkorrenza tajba fil-privat fejn hemm numru ta’ tfal li qed jitlaqqmu.”

Il-Professur Gauci qalet li hemm diversi mikrobi li jistgħu jikkaġunaw il-meninġite bl-aktar komuni jkunu kkaġuntati minn viruses u bacteria u li jistgħu jiġu trażmessi mis-sogħla u l-għatis.

Ara wkoll:

Imut tifel ta’ 4 snin aktarx bil-meninġite

Aħbarijiet Oħra
Lokali

Għandha 19-il sena u ma’ TVM irrakkuntat it-trawma kbira li għaddiet minnha minħabba dak li sejħet estremiżmu fit-twemmin ta’ komunità Nisranija. Amy Attard tirrakkonta kif minħabba hekk qed jitkissru għadd…

Riċerka

Il-lenti tal-kamera provdiet għodda lill-fotografi matul is-snin, biex bir-ritratti tagħhom iħallu xhieda tal-passaġġ tal-istorja. Il-fotografu professjonali Kevin Casha ġabar riċerka fuq kważi mitejn sena ta’ fotografija f’pubblikazzjoni li fiha ritratti…

Ippjanar u bini

Proġett li jekk ikun approvat mistenni jbiddel il-kunċett tat-trasport u l-presenza tal-vetturi fit-toroq. Studju dwar il-possibbiltà ta’ proġett ta’ Metro jew Monorail mistenni jkun ippublikat dalwaqt bil-Prim Ministru Robert Abela…

Politika

Id-19-il deputat tal-Grupp Parlamentari tal-Partit Nazzjonalista qalu li f’kull deċiżjoni li qed jieħdu qed jiżguraw li jpoġġu l-interessi tat-tesserati, tal-Partit kif ukoll tal-pajjiż fuq quddiem. Tkompli l-istennija għal direzzjoni mill-President…

Aktar