Lokali
Mhux se jsuq vettura oħra x-xufier li kien isuq it-trakk b’mod perikoluż

Il-Qorti laqgħet it-talba għall-ħelsien mill-arrest ta’ Marius Camilleri taħt numru ta’ kundizzjonijiet stretti fosthom depożitu ta’ €10,000 u li ma jsuqx vettura oħra.

Camilleri, ta’ 57 sena minn Ħal Qormi, kien arrestat u tressaq il-Qorti wara li fuq il-mezzi tax-xandir u l-midja soċjali, ixxandru filmati tiegħu jsuq trakk b’mod perikoluż. Huwa kien akkużat b’diversi akkużi fosthom li saq b’manjiera traskurata u li uża liċenzja ta’ mutur biex waħħalha mat-trakk tiegħu.

Il-Qorti, ippreseduta mill-Maġistrat Grazio Mercieca, qalet li kienet lesta tagħti l-ħelsien mill-arrest taħt kundizzjonijiet stretti għax fi kliemu “irrid nassigura ruħi li l-imputat ma jaqbadx karozza u jsuqha mingħajr liċenzja. Irrid inżomm bilanċ bejn il-libertà tiegħu u dik ta’ persuna oħra li toqgħod fit-triq biex kemm jista’ jkun ikun sigur.”

L-imputat ingħata l-ħelsien mill-arrest b’depożitu ta’ €10,000, garanzija personali ta’ €10,000 u bil-kundizzjoni li ma jsuq l-ebda vettura. Huwa ġie ordnat jiffirma l-għassa kuljum.

Il-kawża ġiet differita għas-7 ta’ Frar.

Aħbarijiet Oħra
Sport

Fit-tielet logħba tagħhom fil-Kampjonat tal-Amateurs, it-tim ta’ Syria Gżira FC kiseb l-ewwel rebħa bl-iskor ta’ 3-1 kontra Fleur De Lys FC. Il-player Lucky Chizobor skurja żewġ gowls filwaqt li Julius…

Saħħa

Ilbieraħ filgħaxija għadd ta’ nies nġabru quddiem iċ-Ċentru Esplora fil-Kalkara għal mixja simbolika bħala parti mix-xahar iddedikat għall-għarfien dwar il-kanċer tas-sider, magħruf bħala Pink October. Din is-sena n-nisa u l-irġiel…

Brexit

Wara dibattitu f’sessjoni straordinarja fil-House of Commons, il-membri parlamentari ivvutaw favur mozzjoni li tobbliga lill-Prim Ministru biex jitlob estensjoni mill-Unjoni Ewropea għal Brexit. Dan sakemm il-ftehim għall-ħruġ mill-Unjoni Ewropea jiġi…

Lokali

L-invażjoni Torka fit-Tramuntana tas-Sirja ġiet ikkundannata mill-komunità Kurda f’Malta li bl-appoġġ tal-Moviment Graffitti organizzaw manifestazzjoni paċifika quddiem l-Ambaxxata Torka fil-Floriana. Huma kkundannaw dak li sejħu bħala assalt brutali u mingħajr…

Aktar