Infrastruttura
Miċ-Ċawsli għall-Aħħar Ħbit mit-Torok – inawgurata triq bi storja twila

Inawgurat mill-Prim Ministru Joseph Muscat il-proġett tal-bini mill-ġdid ta’ Triq Bormla, li hi t-triq ewlenija bejn Ħaż-Żabbar u ż-Żejtun.

It-triq, li hija magħrufa l-aktar bħala Taċ-Ċawsli minħabba l-għadd ta’ siġar taċ-ċawsli li hemm fiha, ingħatat isem ġdid: Triq l-Aħħar Ħbit mit-Torok, b’referenza għall-ġrajja storika tal-1614 li seħħet f’dawn l-inħawi.

Dan il-proġett sar b’investiment ta’ €4 miljun, b’parti mill-ispiża mħallsa minn fondi tal-Unjoni Ewropea.

Mal-bini ta’ pedamenti ġodda, Infrastructure Malta għaddiet servizzi ġodda tal-ilma, drenaġġ, elettriku u telekomunikazzjoni, li ħafna minnhom għaddejjin minn taħt l-art. Saret ukoll sistema ġdida għall-ġbir tal-ilma, li tqabbdet ma’ ġibjun li kien hemm.

It-triq b’żewġ karreġġjati f’direzzjoni opposta, tinkludi wkoll passaġġ għall-mixi u ieħor għar-roti, li huma maqtugħin mill-karozzi.

B’kollaborazzjoni ma’ Wirt iż-Żejtun, tħawlu 21 siġra oħra taċ-ċawsli minflok uħud li mietu wara li ġew attakkati minn ħanfusa li teqred dawn is-siġar.

Il-Prim Ministru Joseph Muscat qal li dan il-proġett hu mudell għal kif se jsiru l-proġetti tat-toroq.

Aħbarijiet Oħra
Saħħa

Studju internazzjonali wera li l-każi li l-kanċer tal-għonq tal-utru qegħdin jonqsu drastikament tant li hu maħsub li din il-marda tista’ tiġi eradikata. Dan huwa grazzi għat-tilqima li tingħata lit-tfajliet kontra…

Tfal

Skont l-aġenzija appoġġ, madwar mitt tifel u tifla ngħataw għall-kura għand foster carers wara talba mill-ġenituri tagħhom stess minħabba li spiċċaw f’diffikultajiet fosthom mard serju jew spiċċaw bla saqaf fuq…

Edukazzjoni

L-edukazzjoni ma tieqafx mal-età obbligatorja! Id-Direttorat tat-Tagħlim Tul il-Ħajja beda jilqa’ applikazzjonijiet mingħand adulti li fis-sena skolastika li jmiss jistgħu jsegwu xi wieħed minn 450 kors, kemm f’oqsma akkademiċi kif…

Kronaka

Il-Pulizija jidher li tinsab viċin li ssolvi omiċidju li jmur lura ħdax-il sena. Il-każ jitratta tfajla li ilha rappurtata nieqsa mill-2008 u minn investigazzjonijiet li saru fl-aħħar jiem irriżulta li…

Aktar