Mużika
Michela tista’ tidħol meta trid fis-siti ta’ Heritage Malta b’xejn

Mat-300 student illum żaru l-Mużew Nazzjonali tal-Arti l-Muża fil-Belt Valletta biex jiltaqgħu mal-kantanta Michela u fl-istess waqt jiksbu timbru speċjali ta’ Chameleon fuq il-passaport kulturali tagħhom.

Fit-tieni attività organizzata mill-PBS u Heritage Malta fi spazju ta’ 3 ijiem matul il-btajjel tal-Għid, kienu bosta studenti li ħatfu din l-opportunità li jżuru dan is-sit storiku bla ħlas, kif ukoll jiltaqgħu u jieħdu ritratti mar-rappreżentanta Maltija fil-Eurovision ta’ din is-sena.

Fi tmiem l-attività, il-Kap Eżekuttiv ta’ Heritage Malta Noel Zammit ippreżenta Lifetime Membership Card ta’ Heritage Malta lil Michela biex tkun tista’ tużaha fis-siti kollha bla ħlas.

Barra minn hekk, Michela se tqassam Lifetime Membership Card ta’ Heritage Malta lill-kantanti rappreżentanti tal-40 pajjiż ieħor parteċipant fil-Eurovision ta’ Iżrael biex ikunu jistgħu jżuru s-siti storiċi Maltin ta’ din l-aġenzija bla ħlas ukoll.

Michela se tirrappreżenta lil Malta fil-Eurovision f’Iżrael ix-xahar id-dieħel.  Hija se tkun qed tieħu sehem fit-tieni semi-finali bil-kanzunetta Chameleon.

 

Ara wkoll:

AĠĠORNAT: L-istudenti jiltaqgħu ma’ Michela fil-Ġgantija

Aħbarijiet Oħra
Politika

F’kollegament dirett ma’ TVM, fuq il-programm Insights immexxi mill-ġurnalista Norma Saliba, uffiċjal tal-Partit Laburista qal li ħarġu xi riżultati proviżorji mill-ewwel għadd tal-voti. Dr Miriam Dalli għall-Partit Laburista kisbet l-akbar…

Elezzjoni

Mis-sala tal-għadd tal-voti, dawk preżenti jinsabu fil-fażi tal-aġġudikazzjoni tal-vot – fejn il-voti li warrbu l-iscanners iridu jiġu aġġudikati mir-rappreżentanti tal-partiti fejn jieħdu deċiżjoni finali fuqhom. Il-proċess tat-35,00o vot aġġudikati jitlob…

Pulizija

Il-Korp tal-Pulizija qasam xi ritratti fuq il-midja soċjali biex jirringrazzjja lil dawk kollha li ħadmu qatigħ f’dawn l-aħħar tliet ijiem, hekk kif saret l-elezzjoni tal-Parlament Ewropew u l-Kunsilli Lokali 2019….

Aktar