Migrazzjoni: Muscat fl-aħħar qiegħed jitkellem politikament, tgħid AD



F’kumment dwar it-tieni traġedja umana fi ftit jiem fil-Mediterran, iċ-Chairperson ta’ Alternattiva Demokratika, Prof. Arnold Cassola qal: “Wara li ra mill-qrib u b’mod ċar u dirett xi tfisser il-mewt ta’ immigranti, il-Prim Ministru ġie f’tiegħu u, minflok qagħad jagħmilha tal-macho b’mod populist, bħal ma għamel s’issa, fl-aħħar qed jitkellem b’mod politiku, kif jixraq. ‘M’hemmx lok għal aktar kliem,’ qal. ‘Jeħtieġ li jinbidlu r-regoli tal-Konvenzjoni ta’ Dublin II.’. Prosit, Prim Ministru Muscat. Imma għalik ukoll issa żmien il-kliem spiċċa.

L-AD qalu “Aħna l-Greens ilna żmien li pperswadejna lill-familja tal-Ħodor Ewropej li Dublin trid tinbiel. Issa agħmel bħalna, Prim Ministru Muscat u kkonvinci lill-għaxar Prim Ministri Soċjalisti biex jivvutaw unanimament biex tinbidel Dublin II.”
Il-Kelliem ghall-Politika Socjali, Robert Callus, qal: “Huwa żgur pass ‘l quddiem li hemm qbil bejn il-partiti politiċi kollha li l-ħajja tan-nies u d-drittijiet tal-bniedem huma priorita.  Minflok l-atmosfera mimlija tensjoni li ħoloq Muscat meta lagħab il-logħba tal-push backs illegali, illum ninsabu f’pożizzjoni aħjar biex ninnegozjaw ma’ sħabna Ewropej b’mod razzjonali biex nimxu lejn solidarjeta’ konkreta, inkluż it-tibdil fir-regoli ta’ Dublin ll biex tindirizza l-problemi li jiffaċċjaw il-pajjiżi li jinsabu mal-fruntieri tal-Ewropa.”

 

Aħbarijiet Oħra
Lokali

Il-Ministru għall-Intern, is-Sigurtà Nazzjonali u l-Infurzar tal-Liġi ħatar inkjesta skont il-liġi bil-għan li tistabilixxi l-fatti b’rabta ma’ każ fejn priġunier li ma ngħatax il-ħelsien mill-arrest, kien rilaxxat mill-ħabs u deher…

Lokali

Il-Maltapost qalet li l-ħidma tagħha għadha ma ġietx lura għan-normal riżultat fost l-oħrajn ta’ tnaqqis b’aktar min-nofs fit-titjirjiet kummerċjali, iż-żieda fix-xiri online u l-akkumulazzjoni ta’ posta f’tliet pajjiżi Ewropej. Il-Maltapost…

COVID-19

Tħassar ukoll il-kunċert ta’ Joseph Calleja li din is-sena kellu jsir fl-4 ta’ Settembru fuq il-Fosos tal-Furjana u li issa mistenni jsir f’format differenti. NnG Promotions, l-organizzaturi tal-kunċert li bħala…

Annimali

Ilbieraħ, il-BirdLife Malta ġabret għasfur pjuttost rari li huwa sottospeċi Mediterranja tal-Bies, li nstab ferut b’tiri ta’ senter fl-Għarb, Għawdex. Fi stqarrija, il-BirdLife qalet li l-għasfur instab minn familja li…

Aktar