Edukazzjoni
Mil-lum lanqas il-bniet ma jistgħu jilbsu msielet għall-iskola

Studenti bniet u subien fl-iskejjel primarji u sekondarji tal-gvern ma jistgħux imorru l-iskola b’imsielet jew studs.

Il-Ministeru għall-Edukazzjoni aġġorna l-policy dwar l-imsielet u l-istuds wara li l-ġimgħa l-oħra, il-ġenituri ta’ tifel ta’ 12-il sena fil-kulleġġ ta’ Għawdex, qalu li binhom qed jiġi ddiskriminat għaliex kuntrarju għall-bniet, mhux jitħalla jilbes l-imsielet l-iskola.

“Għall-ġid anki tal-istudenti nfushom, m’hemmx imsielet u m’hemmx studs għal raġunijiet ta’ saħħa u ta’ sigurtà. M’għandha x’taqsam xejn l-ugwaljanza mal-imsielet u l-istuds, l-ugwaljanza nġibuha bir-rispett u li nitgħallmu ngħixu flimkien,” qal il-Ministru.

Mistoqsi minn TVM dwar l-użu tal-mobile mill-istudenti fl-iskejjel, il-Ministru Bartolo qal li studenti għandhom iħalluh il-mobile fl-uffiċċju tal-Kap u jużawh hemmhekk jekk jeħtieġu jikkomunikaw mal-ġenituri tagħhom.

“Huwa rrakomandat kemm jista’ jkun li waqt il-klassi jew fl-iskola il-mobile phone ma jkunx hemm,” qal il-Ministru.

Żied jgħid li fil-klassi l-istudent għandu jkun iffukat fuq it-tagħlim u mhux fl-użu ta’ tagħmir teknoloġiku bħal mobile.

Aħbarijiet Oħra
Kultura

Din is-sena tfakkar il-mitt sena mit-twelid ta’ wieħed mill-ikbar artisti tas-seklu għoxrin – Esprit Barthet. L-espressjoni tal-arti tiegħu hija l-legat li ħalla warajh dan l-artist, li quddiemu poġġew mexxejja prominenti…

Kultura

Din is-sena tfakkar il-mitt sena mit-twelid ta’ wieħed mill-ikbar artisti tas-seklu għoxrin – Esprit Barthet. L-espressjoni tal-arti tiegħu hija l-legat li ħalla warajh dan l-artist li quddiemu poġġew mexxejja prominenti…

Sport

Il-Fondazzjoni Kottonera u l-Bicycle Advocacy Group ingħaqdu flimkien biex  jagħtu opportunità lid-delettanti tar-rota jipprattikaw id-delizzju tagħhom filwaqt li japprezzaw il-patrimonju kulturali li hija mogħnija bih il-Kottonera. L-attività sabet ukoll l-appoġġ…

Kronaka

Raġel ġarrab xi ġrieħi wara li llejla ttajar fil-Marsa. L-inċident seħħ għall-ħabta tas-6.30pm fi Triq Aldo Moro. Il-persuna ttajret fil-karreġġjata lejn il-Belt, viċin il-pont pedonali, minn karozza misjuqa minn raġel…

Aktar