Saħħa
Miljun każ ġdid kuljum ta’ mard trasmess sesswalment

Skont il-World Health Organisation (WHO), kuljum ifeġġ madwar miljun każ ġdid ta’ mard trasmess sesswalment.

Dan ifisser li f’sena jfaqqsu mat-376 miljun każ ġdid tal-4 infezzjonijiet ewlenin; il-chlamydia, il-pixxikalda (gonorrea), it-trichomoniasis, u s-sifilide.

Minkejja l-avvanzi u t-titjib fid-dinja tal-mediċina, il-WHO qal li fejn jidħol il-mard veneru (trasmess sesswalment), ftit li xejn sar progress biex jiġi kkontrollat it-tixrid.

L-organizzazzjoni qalet li l-figuri jitkellmu waħedhom u hemm bżonn li tittieħed azzjoni urġenti, hekk kif anke l-ftit mediċini li jeżistu biex ifejqu dan il-mard, m’għadhomx daqshekk effettivi.

Rapport tal-WHO jgħid li persuna minn kull 25 għandha minn tal-anqas waħda minn dawn l-infezzjonijiet b’xi wħud ukoll iġorru aktar minn infezzjoni waħda.

Il-marda li nfirxet l-aktar sal-2016 kienet dik tat-trichomoniasis b’156 miljun każ ġdid f’persuni bejn l-etajiet ta’ 15 u 49 sena.

 

Aħbarijiet Oħra
Saħħa

Id-Deputat Prim Ministru u Ministru għas-Saħħa, Chris Fearne, ħabbar li fiequ 11-il persuna mill-Coronavirus. Waqt il-programm DISSETT fuq Television Malta, id-Deputat Prim Ministru qal li b’hekk l-ammont ta’ persuni mfejqa…

Kronaka

Tagħrif li Television Malta ġabar mingħand il-Pulizija juri li r-rapporti ta’ serq x-xahar li għadda naqsu b’25% meta imqabbel ma Marzu tas-sena l-oħra. Fi kliem l-Ispettur Fabian Fleri, mid-Dipartiment tal-Investigazzjonijiet…

COVID-19

Il-proċeduri għall-IVF jinsabu ffriżati għal kollox kawża tal-COVID19. Il-kap tal-awtoritàa għall-protezzjoni tal-embrijun qalet li ttieħdu miżuri biex dawk li jinsabu fl-età massima li fiha jistgħu jinqabdu tqal bl-IVF, jingħataw estensjoni…

COVID-19

Edizzjoni tal-programm DISSETT se tixxandar wara l-bulettin tal-aħbarijiet tat-8.00pm fuq TVM. Dirett mill-istudios ta’ Television Malta: id-Deputat Prim Ministru u Ministru tas-Saħħa Chris Fearne, u diversi professjonisti mill-Isptar Mater Dei…

Aktar