Unjoni Ewropea
Mill-Ħadd li ġej tibda tiffunzjona l-Kummissjoni Ewropea l-ġdida

Helena Dalli se tkun qed tirriżenja mill-Parlament nazzjonali biex tieħu postha bħala Kummissarju Ewropew għall-Ugwaljanza, hekk kif il-kulleġġ tal-Kummissarji Ewropej se jassumi l-funzjonijiet għall-ħames snin li ġejjin min-nhar il-Ħadd 1 ta’ Diċembru.

Dan wara li llum il-Parlament Ewropew approva l-Kummissarji l-ġodda, ippreżentati lill-plenarja mill-President elett tal-Kummissjoni Ursula von der Leyen. Wara l-vot, il-Kulleġġ tal-Kummissarji l-ġdid ġie approvat b’461 voti favur, 157 kontra u 89 astensjoni.

Fid-dikjarazzjoni tagħha, il-President elett tal-Kummissjoni, Ursula von der Leyen, tenniet l-impenji li hija kienet ħadet fil-plenarja tal-Parlament f’Lulju, u tal-Kummissarji magħżula matul il-proċess ta’ smigħ.

Hija enfasizzat li kienet ser taħdem mill-qrib mal-Parlament u tonora l-wegħdiet li kienet għamlet, waqt li kkonfermat ukoll serje ta’ bidliet fil-portafolji li l-Parlament kien talab wara s-smigħ tal-Kummissarji nominati.

Qabel l-elezzjoni, il-gruppi politiċi kellhom laqgħat qosra biex jiddeċiedu dwar kif kienu ser jivvutaw. Dawn il-laqgħat kienu segwiti minn dikjarazzjonijiet mill-mexxejja tal-gruppi politiċi fil-plenarja.

Ir-rappreżentazzjoni tan-nisa fil-Kummissjoni hija l-ogħla li qatt kienet, fejn barra mill-President elett, il-Kummissjoni hija komposta minn 11-il mara u 15-il raġel.

Issa jmiss li l-Kummissjoni l-ġdida tinħatar formalment mill-kapijiet ta’ stat jew gvern tal-UE. Il-mandat ta’ ħames snin huwa mistenni li jibda fl-1 ta’ Diċembru.

Fuq livell nazzjonali, il-Kummissjoni Elettorali se tkun qed tħabbar elezzjoni każwali biex jimtela s-siġġu ta’ Dr Dalli ġaladarba tirċieva notifika tar-riżenja tagħha mill-Kamra tad-Deputati.

Aħbarijiet Oħra
Kronaka

Tfajla ta’ 17-il sena qed tallega li ma sabet l-ebda għajnuna mill-Pulizija wara li nsterqilha l-mobile minn stabbiliment tad-divertiment f’San Ġiljan. Hija qalet li marret tirrapporta s-serqa fl-għassa ta’ San…

Televiżjoni u Radju

Il-programm Step by Step to Auschwitz rebaħ żewġ kategoriji fil-festival tal-films tal-Vegas Movie Awards li sar f’Las Vegas nhar it-Tnejn 13 ta’ Lulju. Fuq Facebook, il-produttur Jonathan Farrugia, spjega li l-kategoriji huma L-Aqwa…

Lokali

L-Uffiċjali tad-Dwana sabu €22,130 f’bagalja ta’ passiġġier fl-Ajruport Internazzjonali ta’ Malta. Fi stqarrija, id-Dwana qalet li l-passiġġier kien ġej Malta minn Frankfurt, fil-Ġermanja. Wara li l-passiġġier ma ddikjarax il-flus li kellu…

COVID-19

Għall-ħames ġurnata konsekuttiva l-awtoritajiet tas-saħħa rrappurtaw li ma sabu l-ebda każ ġdid ta’ COVID-19 u ma kien hemm l-ebda persuna li fieqet biex b’hekk fadal ħames każi attivi f’Malta. L-awtoritajiet…

Aktar