Stejjer Umani
Mill-kamra tas-sodda jipproduċi l-make-up għal suċċess internazzjonali

Għandu 19-il sena u mill-kamra tas-sodda fid-dar rnexxielu joħloq l-ewwel ditta tal-make-up Maltija. Henry Galea jistqarr li l-ħolma tiegħu hi li jirnexxilu jagħmel din id-ditta Maltija popolari daqs l-aqwa ditti tal-make-up li jinbiegħ fid-dinja.

Mill-kamra ċkejkna fid-dar fejn jgħix mal-familja, Henry Galea ta’ 15-il sena beda jesperimenta fuq kuluri u ingredjenti biex jikkrea l-make-up.

Henry Galea qal “il-ħajra bdiet meta rajt li Malta m’hawnx ditta tal-make-up Maltija, hawn ħafna ditti barranin, u ridt li Malta tagħmel isimha fil-beauty industry”.

Henry rnexxielu jipproduċi make-up għall-għajnejn minn ingredjenti li la huma magħmula mill-annimali u lanqas ittestjati fuq l-annimali. Ipproduċa wkoll sensiela ta’ prodotti oħra tas-sbuhija li jippruvuhom fuqu stess.

Henry qal “ma kinitx triq faċli, domt 3 snin nipperfezzjona l-formula tal-lipsticks u eye shadows..trid tixtri raw ingredients tħallat il-formula, it’s trial and error ħafna”.

Henry qal li jagħmel il-make-up tal-kantanta Ingliża Sonique, li ltaqa’ magħha meta għamlet music video f’Malta u bħalissa flimkien ma’ fabbrika f’Malta se jkabbar il-produzzjoni tiegħu biex jesportahom.

Qal “ħames snin oħra nimmaġinani b’ditta kbira li tikkompeti ma’ ditti barranin..u li n-nies jieħdu eżempji minni”.

Bil-pinzell u ħafna kuluri differenti, Henry jemmen li jinsab fit-triq li jibda futur ta’ suċċess fid-dinja tas-sbuħija.

Aħbarijiet Oħra
Kronaka

Sirjan ta’ 25 sena sofra ġrieħi gravi wara li sofra xi ħruq ikkawżati minn fjamma li ħarġet huwa u jbiddel ċilindru tal-gass. L-inċident seħħ għall-ħabta tal-11:20 fi Triq is-Sibbien f’Marsaskala,…

Annimali

Fis-Siġġiewi, instabu 8 żoni fejn kien qed isir l-insib illegalment. Dan qalitu l-CABS fi stqarrija u saħqet li dawn ix-xbieki li jitpoġġew taħt l-ilma kienu qed jintużaw għall-insib tal-Pispisella, iċ-Ċewċewwa…

Ambjent

Wara li lbieraħ Infrastructure Malta qalgħet siġar mejta fit-Telgħa tas-Saqqajja biex tagħmel il-wisa’ għal siġar ġodda, illum beda x-xogħol ta’ tħawwil. Dalgħodu TVM żar il-post u seta’ josserva l-kumplament tat-tneħħija…

Aktar