Lokali
Min hu l-ewwel Qaddis Malti San Publiju jew San Ġorġ Preca?

Minn żmien għal żmien tqum il-kontroversja ta’ min hu l-ewwel Qaddis Malti, jekk hux San Publiju jew San Ġorġ Preca.

Waqt TVAM, Frans Said qal li l-ewwel Qaddis Malti huwa San Publiju. Huwa spjega li San Publiju kien Malti u evidenza ta’ dan huwa li Malta kienet muniċipju u min imexxiha ried ikun Malti.  Frans żied jgħid li fl-1954 kien ħareġ ktieb approvat mill-Knisja li jagħti lista tal-Qaddisin u fosthom kien hemm San Publiju.  Qal li d-devozzjoni lejn San Publiju keinet kbira u xhieda ta’ dan huma d-diversi kappelli li hawn iddedikati għalih.

Min-naħa tiegħu l-Arċisqof Charles Scicluna qal “Dun Ġorġ Preca huwa l-ewwel Qaddis Malti kanonizzat. Il-qima lejn San Publiju bħala patrun ta’ Malta ġiet rikonoxxuta fl-1622. San Publiju qatt ma kien ikkanonizzat għaliex il-Qaddisin li nsibu fl-Iskrittura m’għandhomx bżonn ikunu kkanonizzati. San Publiju huwa l-ewwel Malti magħruf u miqjum bħala Qaddis. San Ġorġ Preca huwa l-ewwel Malti kkanonizzat. Il-kanonizzazzjoni tapprova l-qima fid-dinja Katttolika”.

Madankollu Frans Said ma qabilx ma’ dan u qal li San Publiju kien għadda minn proċedura ta’ kanonizzazzjoni fi żmien il-Kavallieri ta’ San Ġwann.

Int x’taħseb min hu l-ewwel Qaddis Malti?

Aħbarijiet Oħra
Elezzjoni

F’attività politika fil-Mellieħa, il-Prim Ministru Joseph Muscat tkellem dwar l-Istrateġija Nazzjonali tal-Isport li tnediet aktar kmieni matul il-ġurnata. Qal li u jemmen li hemm potenzjal kbir f’dan is-settur u għalhekk…

NGOs

Il-Prim Ministru Joseph Muscat inawgura hub modern u tal-għola standards fil-Marsa msejjaħ The Meeting Place li ser isservi biex ikollhom spazju fejn jiltaqgħu l-għaqdiet mhux governattivi li jaħdmu fl-oqsma tal-edukazzjoni,…

Elezzjoni

Il-Prim Ministru u Mexxej Laburista Joseph Muscat qal li l-iskema biex jingħataw ħlasijiet lill-eluf ta’ ħaddiema approvata mill-Kabinett saret biex issir ġustizzja ma’ iktar ħaddiema f’diversi oqsma fosthom ex ħaddiema…

Elezzjoni

Il-Kap tal-Partit Nazzjonalista Adrian Delia qal li, għal dan il-Gvern, Għawdex mhuwiex prijorità. Waqt attività politika fin-Nadur Ghawdex illejla, Dr Delia sostna li hemm kuntrast qawwi mal-investiment li kien għamel…

Aktar