Lokali
Min huma l-aktar MEPs Maltin influwenti?

L-Ewroparlamentari Laburista Miriam Dalli hija l-aktar MEP influwenti Maltija u l-Ewroparlamentari Nazzjonalisti Roberta Metsola u David Casa huma t-tieni u t-tielet l-aktar MEPs influwenti f’Malta rispettivament.

Dan ħareġ mill-istħarriġ Influence Assessment 2017, li għamlet VoteWatch Europe, organizzazzjoni indipendeti, mwaqqfa fl-2009, bil-għan li tippromwovi d-dibattiti u trasparenza fid-deċiżjoni li tieħu l-Unjoni Ewropea.

Minn dan l-istħarriġ, li jgħarbel ħidmet l-MEPs b’mod individwali joħroġ li l-MEPs tal-Belġju u tal-Fillandja huma l-aktar influwenti. Madankollu jidher li l-MEPs Maltin, Rumeni u Ġermaniżi qed itejbu u jsaħħu l-influwenza tagħhom fil-leġislazzjonijiet.

Intant, l-Ewroparlamentari Nazzjonalista Roberta Metsola ntgħażlet biex tkun parti mill-kumitat speċjali ġdid kontra t-terroriżmu fl-Unjoni Ewropea.

Il-Kumitat, li ġie approvat waqt sessjoni plenarja nhar it-Tlieta li għadda għandu 30 membru, li flimkien se jistudjaw it-theddid tat-terroriżmu f’kull Stat Membru tal-Unjoni Ewropea.

B’mandat ta’ sena, l-għan tal-Kumitat huwa li jipproponi kif jistgħu jiġu eliminati n-nuqqasijiet u d-dgħufijiet fil-miżuri attwali Ewropej kontra t-terroriżmu.

Fi stqarrija, Dr Metsola qalet li l-Unjoni Ewropea jeħtieġ li taġixxi aktar malajr u b’aktar saħħa fil-ġlieda kontra t-terroriżmu.

Aħbarijiet Oħra
Lokali

Libjan ta’ 37 sena baqa’ jinżamm arrestat wara li ġie mixli li l-Ħadd li għadda aggredixxa lill-kantanta Mikaela Attard u l-ħabiba tagħha waqt li kienu Paceville. Ġie allegat li l-Libjan…

Lokali

Żewġt aħwa li jumejn ilu kienu involuti fi ġlieda f’Ħal Tarxien inżammu arrestati wara li wieġbu mhux ħatja għal sensiela ta’ akkużi fosthom li darbu gravi lil raġel ta’ 36…

Lokali

Stħarriġ professjonali, indipendenti u estensiv juri li l-ħaddiema fis-settur pubbliku f’sena jieħdu medja ta’ jum wieħed biss ta’ sick leave aktar mill-ħaddiema fis-settur privat. Filwaqt li l-ħaddiema fis-settur privat jieħdu medja ta’…

Lokali

Il-Kamra tal-Inġiniera, f’konferenza dwar in-nirien li kienet ippjanat qabel l-inċident tan-nirien tal-Ħadd li għadda li fih tilef ħajtu Gordon Spiteri, sejħet biex jiżdiedu l-miżuri fil-binjiet f’Malta kontra n-nirien. F’intervent fil-konferenza,…

Aktar