Eurovision
Min jirbaħ l-XFactor se jerġa’ jirrappreżenta lil Malta fil-Eurovision Song Contest

Il-PBS tikkonferma għal darb’oħra il-parteċipazzjoni tagħha fil-Eurovision Song Contest li huwa xow televiżiv annwali b’kompetizzjoni għall-aħjar kanzunetta bejn l-istazzjonijiet televiżivi membri tal-European Broadcasting Union (EBU).

Il-parteċipant Malti, għas-65 edizzjoni tal-Eurovision Song Contest li se jittella’ bejn it-12 u s-16 ta’ Mejju 2020 f’Rotterdam fl-Olanda, se jkun ir-rebbieħ ta’ XFactor Malta.

Il-finalisti li jgħaddu mid-diversi fażijiet tal-programm, f’Jannar li ġej se jikkompetu f’ammont ta’ shows imxandra dirett kull nhar ta’ Ħadd fuq TVM.

Is-serata finali li tiddetermina r-rebbieħ jew rebbieħa tittella’ nhar is-Sibt 8 ta’ Frar.