Festi
Min jixxala u min jaħdem f’Santa Marija…

Bdiet il-ġimgħa ta’ Santa Marija, dik il-ġimgħa fost l-aktar sħan fis-sena li matulha r-ritmu tas-soltu jbatti xi ftit. Il-pass aktar kajman tal-ħajja iżda mhux għal kulħadd.

Mil-lum it-traffiku kien aktar mexxej mis-soltu għax ħafna postijiet tax-xogħol jagħlqu għax-shut down tas-sajf u ħafna ħaddiema bdew igawdu jiem ta’ mistrieħ.

Għall-ħaddiema oħra, ir-rutina tax-xogħol ma tieqafx speċjalmejt jekk jaħdmu f’servizzi essenzjali li la għandhom sajf u lanqas xitwa. Hemm ukoll ħafna ħaddiema fil-ħwienet.

Marisa Moore, li taħdem bħala sales assistant qalet “Aħna nibqgħu għaddejjin. Bħala ħanut ma jkunx daqshekk busy bħall-bqija ta’ matul is-sena għax ikun hemm min isiefer, ma tantx ifittex li jixtri minn ħwienet bħal matul is-sena.”

Kompliet tgħid li kuntrarju għall-ħwienet f’Malta, dawk f’Għawdex matul din il-ġimgħa jkunu beżlin ħafna minħabba li ħafna Maltin jitilgħu Għawdex f’dawn il-jiem għal Santa Marija.

Rosalyn Zampa, Sales Assistant qalet “fejn is-soltu jkun aktar kwiet, din il-ġimgħa naraw aktar konkorrenza għall-fatt li jkun hawn aktar nies bil-holidays u jkollhom aktar ħin fuq idejhom biex jagħmlu xi ftit xiri li jkunu jixtiequ biex igawdu dawn il-vaganzi li għandhom. Min-naħa tagħna, min jaħdem ġo ħanut ma jħarisx lejha b’dak il-mod. Din il-ġimgħa tkun aktar maqbuda u ma tkunx tista’ tkompli mal-kumplament tal-familja li jkollhom il-holidays tkun magħhom ukoll.”

Kompliet tgħid li hi qiegħda hemmhekk għas-servizz tan-nies u tiftaħ il-ħanut sabiex taqdihom filwaqt li l-btajjel tagħha teħodhom fil-ġimgħat ta’ wara Santa Marija.

Aħbarijiet Oħra
Knisja Maltija

Tlesta x-xogħol ta’ restawr fuq l-istatwa titulari ta’ San Lawrenz, meqjum fil-paroċċa tar-raħal Għawdxi li ħa ismu mill-qaddis. F’ħames xhur ‘il bogħod mill-parroċċa tiegħu, l-istatwa fil-kartapesta għaddiet mill-ewwel proċess ta’…

Ekonomija u Finanzi

Id-Dipartiment tad-Dwana ħabbar li minn Ottubru li ġej, lubricating oil, magħruf ukoll bħala petroleum oil, u tabakk tal-‘water-pipe’, ma jistgħux jinbigħu mingħajr ma jkunu ssiġillati bit-timbru tas-sisa. Fi stqarrija d-Dipartiment…

Lokali

Fid-dawl tad-delitt tal-ġimgħa l-oħra f’Ħal Millieri allegatament imwettaq minn żewġ żagħżagħ ta’ 18-il sena ħafna tkexkxu li dan ir-reat twettaq minn żgħażagħ u esprimew tħassib dwar il-ġenerazzjoni preżenti, madanakollu l-istoriku…

Aktar