Barranin, Kurżitajiet
Min se jkun mistieden għat-tieġ ta’ Harry u Meghan?

Il-Prinċep Harry u l-għarusa tiegħu Meghan Markle qed jistiednu iktar minn 2,600 membru tal-pubbliku biex jidħlu fil-Kastell ta’ Windsor ħalli jaqsmu magħhom il-jum tat-tieġ tagħhom.

Il-mistednin se jkunu jistgħu jaraw il-wasla tal-għarus u l-għarusa u l-mistednin l-oħra fil-Kappella ta’ San Ġorġ fejn se ssir iċ-ċerimonja fid-19 ta’ Mejju.  Il-pubbliku se jingħata ċ-ċans jara wkoll lill-koppja rjali titlaq mill-kastell bil-karozzella li biha se jduru madwar il-belt ta’ Windsor.

Membri tal-pubbliku mistednin għat-tieġ

Il-koppja rjali talbet biex il-pubbliku mistieden ikun jirrifletti l-isferi differenti tas-soċjetà u etajiet differenti, fosthom tfal tal-iskola u oħrajn minn entitajiet tal-karità, mexxejja żgħażagħ, u bosta oħrajn minn madwar ir-Renju Unit.

Mistednin oħrajn li se jkollhom Harry u Meghan jinkludu r-residenti tal-Kastell ta’ Windsor u l-membri tal-komunità tal-Kappella ta’ San Ġorġ, kif ukoll l-istaff kollu tal-familja rjali u dawk li jaħdmu fl-estate irjali.

Fejn se jsir it-tieġ

It-tieġ se jsir f’nofsinhar, ħin lokali, u se jiġi ċċelebrat mid-Dekan ta’ Windsor Rev David Conner u l-Arċisqof ta’ Canterbury Justin Welby.  Wara ċ-ċerimonja, il-koppja rjali se jkollha r-riċeviment fis-Sala ta’ San Ġorġ fil-Kastell ta’ Windsor u iktar tard riċeviment privat għall-qraba u ħbieb l-iktar stretti li jkun ospitat mill-Prinċep Charles, missier Harry.

Bħalma ġara fil-passat, eluf mistennija jsegwu t-tieġ tal-koppja rjali Harry u Meghan mit-toroq ta’ Londra fejn se jsiru ċ-ċerimonja, minn fejn se tgħaddi l-karozzella u fl-akwati tar-riċeviment, filwaqt li miljuni ta’ telespettaturi minn madwar id-dinja se jkunu qed isegwu t-trażmissjoni diretta minn fuq it-televiżjoni u s-siti soċjali.

Aħbarijiet Oħra
Barranin

Iċ-ċelebrazzjonijiet tal-partitarji Messikani spiċċaw biex immarkaw fuq l-apparat li jkejjel it-terremoti. Tant qabżu bil-ferħ il-partitarji lbieraħ li l-apparat li jimmarka l-qawwa tat-terremoti, immarka bħallikieku seħħet theżżiża. Il-Messiku rebaħ 1-0 kontra…

Barranin

Il-plejer Eġizzjan Mohamed Salah iċċelebra għeluq sninu f’Ċeċnija hekk kif flimkien mat-tim tiegħu, jinsab ir-Russja għat-Tazza tad-Dinja 2018. Minkejja li l-ġurnata t’għeluq sninu ma bdietx bit-tajjeb wara li l-Eġittu tilef kontra…

Barranin

Il-Prinċep Kambodjan u eks Prim Ministru Norodom Ranariddh u martu Ouk Phalla kienu nvoluti f’inċident tat-traffiku ikraħ huma u sejrin għal attività politika. Il-Prinċep u martu ttieħdu l-isptar b’urġenza wara li taxi…

Barranin

Il-politiku konservattiv Ivan Duque ġie elett President tal-Kolumbja. Bil-voti kważi kollha magħduda, Duke ġab 54% tal-voti filwaqt li r-rival tiegħu Gustavo Petro ġab 42%. Ir-riżultat qed iqajjem tħassib dwar il-ġejjieni…

Aktar