Politika
Ministri ma jistgħux jużaw fondi pubbliċi għal paġna personali fuq Facebook

Il-Kummissarju għall-Istandards fil-Ħajja Pubblika, Dr George Hyzler, ikkonkluda li huwa abbuż jekk ministru juża riżorsi pubbliċi biex jamministra l-paġna personali tiegħu fuq Facebook.

Wara li kkunsidra lment tal-Membru Parlamentari Karol Aquilina, li sar f’Mejju li għadda kontra l-Ministru Konrad Mizzi, Dr Hyzler ikkonkluda li jkun abbuż ukoll jekk jintużaw fondi pubbliċi jew jitqabbdu impjegati tal-Gvern biex jagħmlu dan ix-xogħol.

Il-Kummissarju sab li l-paġna ta’ Facebook li dwarha sar l-ilment kienet paġna personali ta’ Konrad Mizzi, minkejja li kien fiha l-kliem li kienet tindika li hija paġna uffiċjali tal-Ministeru tat-Turiżmu.

Huwa qal li ġaladarba din kienet il-paġna personali ta’ Konrad Mizzi kellu kull dritt jinkludi fiha kontenut partiġġjan. Dr Hyzler waqt li laqa’ l-ilment ta’ Dr Aquilina ma rrakkomanda ebda miżuri minħabba li Konrad Mizzi rriżenja minn Ministru.

Aħbarijiet Oħra
Politika

L-Awditur Ġenerali Charles Deguara f”rapport kritiku għall-aħħar dwar il-kuntratt tal-Gvern mal-Vitals Global Healthcare għat-tmexxija tat-tliet sptarijiet jgħid, fost oħrajn, li sab evidenza li tindika azzjoni kollużiva bejn partijiet li aġixxew f’isem…

Qasam soċjali

Iffirmat ftehim ieħor ta’ €560,000 għal tliet snin bejn il-Gvern u l-Fondazzjoni Suret il-Bniedem, li se tipprovdi kenn f’xelter għall- vittmi tal-vjolenza domestika. Patri Carmelo Aquilina qal li Dar Tereża…

Politika

Il-Prim Ministru Robert Abela qal li l-pożizzjoni ta’ Malta fuq il-missjoni Ewropea sabiex jitwaqqaf it-traffikar tal-armi lejn il-Libja, imsejħa IRINI, għadha dik li kienet ftit tal-ġimgħat ilu. F’laqgħa mar-Rappreżentat Għoli…

Politika

Il-Partit Demokratiku ħatar lil Timothy Alden bħala l-mexxej il-ġdid, waqt li Raymond Azzopardi huwa deputat mexxej. Il-laqgħa ġenerali annwali tal-membri tal-partit ilbieraħ filgħaxija ħatret ukoll kumitat eżekuttiv ġdid. Fi stqarrija,…

Aktar