Attività
Ministri u deputati jidħlu għal logħba ballun – min rebaħ?

Taħt xemx tiżreġ, deputati mil-grupp parlamentari Laburista u dak Nazzjonalista sfidaw lil xulxin f’logħba futbol b’risq Puttinu Cares.

Il-tim tal-Partit Laburista bi flokkijiet suwed, kien l-ewwel li fetaħ l-iskor sakemm il-partita ntemmet b’rebħa ta’ 3 b’wieħed għat-tim tad-deputati Laburisti.

Il-goals ġew skurjati mid-deputati Silvio Schembri, Alex Muscat u Aaron Farrugia għall-grupp Parlamentari Laburista u David Agius għall-grupp parlamentari Nazzjonalista.

Għarqanin xraba wara l-partita u mbaxktin bix-xemx, f’kummenti lil TVM, deputati miż-żewġ naħat tal-kamra wrew spirtu sportiv.

Id-Deputat Aaron Farrugia qal “Kienet logħba importanti għalina għaliex erġajna ltaqjna fuq iż-żewġ naħat tal-kamra, kienet logħba akkanita u urejna t-talenti tagħna barra l-kamra. Ħadt pjaċir u kienet ukoll xi ħaġa li minnha għall-Puttinu missjoni li nappoġġjaw iż-żewġ naħat tal-kamra u bħala membri parlamentari wkoll.”

Id-Deputat Ryan Callus qal “naħseb din hija opportunità tajba għax ħafna drabi l-parlament jarawna nissieltu kontra xulxin ġieli jiena kontra Aaron u oħrajn, imma hawnhekk jarawna f’atmosfera differenti u naħseb dan huwa messaġġ sabiex li qed nibgħatu llum biex il-poplu jingħaqad u jagħti donazzjoni għall-puttinu li jagħmel ħafna ġid.”

Il-Viċi President ta’ Puttinu Cares, Angel Cuschieri qalet li l-atmosfera waqt il-maratona hija waħda festiva fejn kulħadd huwa magħqud f’solidarjetà għall-pazjenti li jsiefru għall-kura fl-Ingilterra.

“Peress li Puttinu fetaħ għall-pazjenti li m’għandhomx biss cancer, fetaħ idejh għal kulħadd, hemm ħafna pazjenti li qed imorru fiċ-ċentru ta’ Londra u għalhekk l-għan tagħna hu li bħalma għamilna f’Sutton għandna l-appartamenti li qed nofruhom b’xejn għal kulħadd issa mmorru fiċ-ċentru ta’ Londra nagħmlu binja ta’ 30 appartament u nkunu nistgħu naqdu n-nies li qed imorru fiċ-ċentru ta’ Londra u naqduhom b’xejn ukoll.”

Żiedet tgħid li kull xahar jitilgħu bejn 60 u 90 pazjent Malti għall-kura fl-Ingilterra u jsibu spalla anke minn Puttinu. Il-PBS ta l-appoġġ tiegħu fil-maratona billi l-istazzjonijiet TVM u TVM 2 xandru għal ħin twil il-maratona.

Aħbarijiet Oħra
Ambjent

Żona li fiha daqs seba’ grawnds tal-futbol, li minn wied naturali nbidlet f’miżbla, qed tingħata wiċċ ġdid biex minflok tibqa’ ġerħa fin-naħa t’isfel ta’ Malta, issir attrazzjoni. Sa wieħed u…

Kultura

Infrastructure Malta appik li tibda operazzjoni delikata, biex taqla’ sħiħ mill-blat qabar tal-perjodu Puniku-Ruman, u tpoġġih fil-ġenb ta’ triq ġdida li qed tibni f’Ħ’Attard. B’hekk din is-sejba ta’ valur arkeoloġiku,…

Immigrazzjoni

TVM jinsab infurmat li matul il-lejl li għadda, grupp ta’ madwar 90 immigrant li ġew salvati fil-Mediterran fiż-żona ta’ tiftix u salvataġġ ta’ Malta ttieħdu fuq vapur tal-Captain Morgan li…

COVID-19

Il-pandemija u r-reħi tar-restrizzjonijiet ġabu magħhom l-użu tal-maskra. Filwaqt li ħafna qed jużawha kif obbligati jagħmlu f’ħafna postijiet pubbliċi, osservajna li bosta qed jilbsu biex taparsi libsuha. Id-Direttur tad-Direttorat tal-Promozzjoni…

Aktar