Qorti
Minkejja li nstab ħati li tajjar tifel t’10 snin titnaqqaslu l-piena għax qasamlu għall-għarrieda

Tork li tajjar it-tifel Libjan ta’ 10 snin f’inċident li seħħ f’Pembroke 3 snin ilu ra s-sentenza ta’ ħabs li ngħata s-sena l-0ħra tinbidel f’sentenza sospiża.

Dan wara li appella mis-sentenza u l-Qorti tal-Appell, ippreseduta mill-Imħallef Consuelo Scerri Herrera biddlet is-sentenza ta’ 32 xahar ħabs għal sentejn ħabs sospiżi għal tliet snin.

L-Imħallef ikkonfermat li Fatih Pancar huwa responsabbli kriminalment mill-qtil involontarju ta’ Rodwan Aghil li tilef ħajtu waqt li kien qed jaqsam Triq Sant’Andrija f’Pembroke.

Infatti, l-Qorti tal-Appell ikkonfermat parti mid-deċiżjoni tal-Qorti tal-Maġistrati li t-Tork jibqa’ għal erba’ snin bla liċenzja tas-sewqan.  Rigward il-konfiska tal-vettura li kien qed isuq Pancar meta seħħ l-inċident, il-Qorti biddlet id-deċiżjoni wara l-istqarrija li għamel il-Kummissarju tal-Pulizija li saru t-testijiet forensiċi kollha fuq il-vettura tal-għamla Peugeot ħamra.

L-Imħallef Scerri Herrera rrimarkat li għandhom jiġu ntrodotti xi tip ta’ multi fil-konfront ta’ dawk li jkunu mexjin mit-triq, għax bħax-xufiera, għandu jkollhom l-obbligi tagħhom u ma jaqbdux u jaqsmu kif ġieb u laħaq mit-triq.

Fis-sentenza oriġinali, il-Qorti kienet innutat li Pancar kien qed isuq b’negliġenza u kien qed juża l-karozza bħala arma letali, iżda żiedet li wasal iż-żmien li tidħol fis-seħħ liġi li tippenalizza aġir ħażin ta’ min ikun miexi fit-triq.

Għax-xufier dehru l-avukati Kris Busietta, Jason Azzopardi u Julian Farrugia.

Ara wkoll:

Il-ġenituri tat-tifel li nqatel b’daqqa ta’ karozza saru jafu bil-każ 3 sigħat wara

FILMAT: Imut it-tifel ta’ 10 snin li ttajjar f’Pembroke

It-Tork li tajjar it-tifel ta’ 10 snin akkużat bi qtil involontarju

Aħbarijiet Oħra
Qorti

Begtash Muka, Albaniż ta’ 27 sena, tressaq il-Qorti akkużat li l-Ħadd filgħodu bejn id-9am u l-9.45am daħal mingħajr permess fil-barracks ta’ Ħal Safi bil-ħsieb li jagħmel reat. Muka kien ilu…

Qorti

Sewwieq ta’ mutur se jingħata iktar minn €20,000 f’kumpens għad-danni li sofra meta kien involut f’inċident tat-traffiku 4 snin ilu. Agostino Schembri kien indarab serjament meta kien qed isuq il-mutur…

Kronaka

Għall-ħabta tal-4.00 ta’ waranofsinhar il-Forzi Armati tellgħu katavru ta’ mara mill-baħar. Il-katavru ntlemaħ fl-inħawi ta’ Għar Lapsi, bil-Pulizija li daħlitilha l-ewwel informazzjoni ftit qabel it-3.30pm. L-ewwel tfittxija għall-katavru bdiet b’ħelikopter…

Qorti

It-tanker M/T Krone, irreġistrat Sierra Leone, ġie ordnat mill-Qorti biex iħallas is-somma ta’ €138,455.55 għal servizzi marittimi mogħtija mill-kumpanija Maltija Mediterranean Trading Shipping. Il-kumpanija fetħet kawża f’Settembru li għadda biex…

Aktar