COVID-19
Minn għada jiftħu żewġ hubs oħra għall-ittestjar tal-Covid-19

Minn għada se jibdew joperaw żewġ hubs oħrajn għall-iswabbing tal-Covid-19 f’Pembroke u fix-Xewkija.

Dan tħabbar mill-Uffiċċju tad-Deputat Prim Ministru, li fi stqarrija qal li ż-żewġ hubs se jkunu qed jiżdiedu mal-hub eżistenti li hemm f’Ħal Farruġ. B’hekk ikunu jistgħu jsiru aktar testijiet, jiġu identifikati aktar persuni pożittivi li jiġu iżolati mill-ewwel, u b’hekk jitnaqqas it-tixrid tal-Covid-19.

Il-hub il-ġdid f’Malta se jkun fil-Luxol Grounds f’Pembroke, u bħall-hub ta’ Ħal Farruġ, dan se jkun miftuħ kuljum mit-Tnejn sal-Ħadd mit-08.00 sat-20.00.

Il-hub il-ġdid fit-terminal tal-helipad, fix-Xewkija Għawdex, se jkun miftuħ kuljum mit-Tnejn sal-Ħadd mit-08.00 sas-14.00.

Dawk kollha li għandhom xi sintomi huma mħeġġa jċemplu 111 u mhux imorru minn jeddhom fil-hub, għax dawn ma jaċċettawx persuni mingħajr appuntament. Importanti wkoll li persuna ma tużax trasport pubbliku, taxi jew timxi biex tmur fil-hub.

Aħbarijiet Oħra

Id-Dipartiment tal-Protezzjoni Ċivili għandu vettura ġdida biex tagħmilha iktar possibbli biex jiġu salvati nies jekk jinqala’ xi inċident f’bini għoli. Il-vettura nxtrat mill-Awtorità tal-Ippjanar hekk kif fl-aħħar snin żdiedu l-binjiet…

Mart il-President ta’ Malta, is-sinjura Miriam Vella qalet li tifhem eżatt il-bżonn ta’ iktar għarfien fuq il-kanċer tas-sider għax tilfet lill-ommha b’dan il-kanċer. Is-sinjura Vella din is-sena hija l-Patruna tal-kampanja…

Il-Kummissjoni Elettorali tal-Partit Nazzjonalista fi stqarrija qalet li llum għamlet il-verifiki kollha u ġie konkluż li n-numru ta’ tesserati eleġibbli biex jivvutaw fl-elezzjoni għall-ħatra ta’ Kap tal-Partit Nazzjonalista huwa 21,499….

Uffiċjali mill-Awtorità tas-Saħħa u s-Sigurtà fuq il-post tax-xogħol, l-OHSA qegħdin jiċċertifikaw li kull skola f’Malta u Għawdex hija konformi mar-regolamenti li tfasslu mill-awtoritajiet tas-saħħa. F’kummenti ma’ Television Malta, is-Segretarju Permanenti…

Aktar