Lokali
AĠĠORNAT: Minn għada se jogħlew il-petrol u d-diesel

Minn għada se jogħla l-prezz tal-petrol u d-diesel b’5 ċenteżmi, wara sena ta’ prezzijiet stabbli.

Fi stqarrija l-Enemed qalet li l-prezzijiet il-ġodda jirriflettu bidla fil-prezz internazzjonali taż-żejt.

Il-prezz tal-Petrol magħruf bħala E-Unleaded se jogħla minn €1.36-il litru għal €1.41-il litru.

Il-prezz tad-Diesel magħruf bħala E-Diesel se jogħla minn €1.23-il litru għal €1.28-il litru.

Il-prezz tal-Petrol Super magħruf bħala E-Power Petrol se jitla’ minn €1.51-il litru għal €1.56-il litru, waqt li l-prezz tad-Diesel Super magħruf bħala E-Power Diesel, se jitla’ minn €1.33-il litru għal €1.38-il litru.

Il-Gvern qal fi stqarrija li minkejja ż-żieda fil-prezzijiet tal-petrol u d-diesel, il-prezzijiet f’Malta huma orħos mill-Ewropa bi 3 ċenteżmi l-petrol u 5 ċentezmi d-diesel.

Il-Gvern spjega li l-prezz internazzjonali taż-żejt minn € 47-il barmil fil-bidu tas-sena tela għal €57-il barmil. Żied jgħid li mindu nbidel il-Gvern fl-2013, il-prezz tal-petrol u d-diesel naqas b’10ċ u bi 12ċ rispettivament. Fl-istqarrija ngħad li l-Gvern hu impenjat li jkompli jaħdem għal stabbilità fil-prezzijiet favur il-konsumaturi Maltin u Għawdxin.

Aħbarijiet Oħra
Reliġjon

Mat-twaqqif tad-Dar tal-Kleru – residenza għal saċerdoti anzjani jew morda – twaqqfet ukoll il-komunità tas-Sorijiet imsejħa”Qaddejja taċ-Ċenaklu” li ilhom ħamsa u ħamsin sena jiddedikaw ħajjithom għas-saċerdoti f’din id-dar. TVM żar…

Lokali

Tibda l-ġimgħa li twassal biex jitla’ s-siparju fuq waħda mill-eqdem ċelebrazzjonijiet f’Malta . . . il-Karnival. Il-karru ewlieni, li juri r-Re tal-Karnival, ser ikun sar mill-istess idejn li ħadmu fuq…

Lokali

“Sunrise” – a socio contemporary comedy and monologue has opened. Humorous at times, this production is being staged at a theatre in Valletta. Described by The Guardian UK as an…

Lokali

Għoxrin sena mit-twaqqif tal-Fondazzjoni Kreattività qed jiġu ċċelebrati b’diversi proġetti fl-Ispazju Kreattiv il-Belt kif ukoll bi pjani biex ikompli jissaħħaħ il-qasam tal-kreattività. Matul din is-sena qed jitfakkar l-20 sena mit-twaqqif…

Aktar