Lokali
Minn riħ skopra li għandu kanċer fit-testikoli

Waqt li Ottubru sar sinominu mal-kampanji fuq il-kanċer tas-sider, Novembru qed isir magħruf bħala Movember, ix-xahar li fih jitħallew jikbru l-mustaċċi b’messaġġ għal aktar għarfien dwar il-kanċer fl-irġiel.

Il-programm ta’ Television Malta, Skjetti, se jingħaqad f’din il-kampanja, fosthom bl-esperjenza ta’ Andrew Grech, li 5 snin ilu skopra b’ċikka li kellu kanċer fit-testikoli.

Andrew Grech għandu 43 sena. Ħames snin ilu, kellu jkun riħ komuni li wasslu biex jiskopri li għandu kanċer fit-testikoli. Jirrakkonta kif minkejja li kien innota li testikolu minnhom kiber fid-daqs tiegħu, qatt ma ndenja ruħu jmur għat-testijiet.

“It-tabib qalli Andrew, jew għandek tumur jew għandek infezzjoni. Għandek bżonn tmur tagħmel ultrasound. 5 minuti wara kont fi sptar privat viċin, nagħmel ultrasound, u r-radjoloġist qalli Andrew, inti għandek kanċer.”

Huwa stqarr li għalkemm ma ħalliex din l-aħbar tkissru, ammetta li ġiet fuqu bħall-Erbgħa fost il-ġimgħa, għax ma kien jaf xejn dwar il-kanċer fl-irġiel, u fil-familja tiegħu ma kien hemm ħadd li kellu kanċer. Martu ħadet l-aħbar b’mod ħażin għax kienet diġà tilfet lil qrabatha bil-kanċer.

Andrew stqarr li l-agħar mumenti kienu meta beda jieħu l-kimoterapija. Qal li l-uniku sabar kien isibu fil-kliem ta’ faraġ mill-infermiera, li fi kliemu kien jarahom anġli f’dan iż-żmien kiefer.

Wara 5 xhur jieħu l-kura, Andrew ingħata l-aħbar li fieq għal kollox mill-kanċer. Hu qal li għażel li jaqsam l-esperjenza tiegħu biex iħeġġeġ lill-irġiel jitkellmu, u jiċċekkjaw lilhom infushom spiss. Saħansitra, fetaħ paġna fuq Facebook bl-isem ta’ Malta Male Cancer Awareness biex iqajjem kuxjenza dwar dan.

“L-appell huwa lejn l-irġiel – kważi kważi lejn iż-żgħażagħ – għax il-kanċer tat-testikoli huwa komuni l-aktar bejn 15-il sena u 35 sena, avolja jista’ jolqtlok f’kull żmien. Għandna bżonn inkunu nafu l-forma tat-testikoli tagħna. Jekk inħossu kambjament, toqol, jekk inħossu testikola minnhom kibret, jew inbidlet fil-forma tagħha, immedjatament morru tkellmu mat-tabib, għax dan huwa kanċer minn dawk li jekk taqbdu kmieni, iċ-ċansijiet huma ta’ fejqan għal kollox.”

F’Malta, medja ta’ tlettax-il raġel fis-sena, jinstab li għandhom kanċer fit-testikoli. It-tim tal-programm SKJETTI, fil-programm tal-lejla li jixxandar fuq Television Malta għall-ħabta tal-għaxra u kwart, se jagħti bidu għal kampanja ta’ għarfien dwar dan il-kanċer.

Aħbarijiet Oħra
Lokali

Se tinbidel il-liġi dwar il-ħruġ tal-care orders. Dawn mhux se jibqgħu jinħarġu aktar mill-Ministru iżda minflok se tibda toħroġhom il-Qorti tal-Familja. Wara l-btajjel tal-Għid, il-Ministru tal-Familja u s-Solidarjetà Soċjali Michael…

Lokali

Il-Ministru tal-Ambjent, José Herrera, ħabbar fil-programm Dissett li qed titfassal liġi biex ikun obbligatorju li l-pubbliku jissepara l-iskart. Huwa ammetta li l-pajjiż jista’ jeħel multi jekk jibqa’ ma jilħaqx il-miri…

Lokali

Ftit tal-ġranet ilu, stabbiliment tax-xorb f’Paceville rama pjattaforma fit-triq bis-siġġijiet u l-imwejjed. Il-Ministru għall-Infrastruttura u l-Proġetti Ian Borg f’tweġiba għal Mistoqsija Parlamentari qal li l-pjattaforma hija rregolata minn permess tal-Awtorità tal-Ippjanar,…

Lokali

L-Arċisqof Charles Scicluna jinsab fiċ-Ċili biex jiġbor l-evidenza rigward il-każ tal-Isqof Juan Barros, li qed jingħad li kien jaf b’każijiet ta’ abbuż sesswali fuq tfal iżda m’għamel xejn. Barros, li…

Aktar