Barranin
Minnu li l-għaġin iħaxxen jekk tieklu qabel torqod?

Min ikun attent għall-figura spiss jevita li jiekol l-għaġin filgħaxija, minħabba li jemmen li l-karbojdrati fl-għaġin mhux se jinħarqu u jinbidlu f’xaħam meta jmur jorqod.

Skont l-Istituto Superiore di Sanità f’Ruma, din hija idea żbaljata, għax jekk tiekol platt għaġin u tagħmel ġurnata bilqegħda ma’ skrivanija, se jkollok bejn wieħed u ieħor l-istess effett daqslikieku dħalt torqod.

Ir-riċerkaturi tal-ISS jemmnu li mhix kwistjoni ta’ x’ħin tiekol l-għaġin, imma tal-kwantità li tieħu. Id-daqs tal-platt irid ikun addattat għad-daqs tal-ġisem, għall-età u għall-attività fiżika li wieħed jagħmel.

Jekk il-kwantità hija tajba, allura l-ħin li matulu jittiekel l-għaġin ma jagħmilx wisq differenza. Jingħad li l-karbojdrati għandhom jingħaddu fuq jum sħiħ, u mhux fi kwantitajiet separati skont il-ħin tal-ġurnata.

Iktar minn hekk, jingħad li l-għaġin qabel l-irqad jista’ jgħin lil min ibati biex jorqod, peress li jistimula l-produzzjoni tal-ormon serotonin, li jġiegħel lil dak li jkun iħossu iktar rilassat.

Aħbarijiet Oħra
COVID-19

Bħal ommok ma ssib qatt. Partikolarment, tkun għadek ħalib ommok fi snienek, aktarx li ommok ma titilqekx minuta minn magħha. Magħha, tħoss li ma jonqsok xejn. Madanakollu, iċ-ċirkostanzi mhux dejjem…

Barranin

Is-CNN qed jirrapporta li George Floyd, l-Afro Amerikan li nqatel minn pulizija f’Minneapolis, fl-Amerka, kien infettat bil-Coronavirus. Henneoin County, li għamlu l-awtopsja fuq Floyd sabu li l-vittma kien infettat bil-Covid-19…

Barranin

Waqt li l-Gvern Spanjol beda jerħi wħud mill-aktar restrizzjonijiet ebsin kontra l-virus, l-isptar del Mar f’Barċellona ħa inizjattiva li jieħu lill-pazjenti bil-coronavirus ħdejn il-baħar. Tim mediku mill-isptar Hospital del Mar,…

Barranin

Għat-tmien lejl konsekuttiv, ħafna mit-toroq ewlenin tal-istati Amerikani ma raqdux, hekk kif issuktaw il-protesti għall-qtil mill-Pulizija ta’ George Floyd. Fl-aħħar sigħat, il-vjolenza naqset, b’ħafna mill-protesti kienu paċifiċi. Waħda mill-akbar protesti…

Aktar