Qorti
Sentenza ta’ ħabs wara li ħaraq karozza

Il-Pulizija ressqet il-qorti tliet irġiel, fosthom żewġ żgħażagħ, mixlija li taw in-nar vettura f’Ħaż-Żabbar.

Filmati tal-każ li seħħ il-Ħadd li għadda wara nofsinhar xxandar fil-media soċjali wara li ġie ffilmjat minn membru tal-familja li sofriet ħruq fil-karozza.

Sorsi qrib il-Pulizija qalu li din l-azzjoni kienet riżultat ta’ argument dwar post ta’ parkeġġ.

Feliċ Delia ta’ 54 sena li joqgħod Wied il-Għajn, flimkien mal-aħwa Paul Fava ta’ 17-il sena u Stephen Fava ta’ 18-il sena minn Santa Luċija ġew mixlija wkoll li meta taw in-nar lill-vettura kkaġunawlha ħsarat estensivi u li kisru l-paċi publiku.

Feliċ Delia waħdu ġie mixli li bil-ħsieb li jweġġa’ gravi żewġ persuni, xeħet fjuwil fuqhom u li darab ħafif lil waħda minnhom b’daqqa ta’ lieva. Ġie mixli wkoll li hu riċediv. It-tliet irġiel ammettew l-akkużi. Il-Maġistrat Simone Grech ikkundannat lil Feliċ Delia erba’ snin ħabs u liż-żgħażagħ sentejn ħabs sospiżi għal erba’ snin. Ħarġet ukoll ordni ta’ protezzjoni għal tliet snin favur il-vittmi.

Ara wkoll:

ARA: Jitfa’ l-petrol u jqabbad karozza f’Ħaż-Żabbar

Aħbarijiet Oħra
Lokali

Il-Ministru għall-Intern, is-Sigurtà Nazzjonali u l-Infurzar tal-Liġi ħatar inkjesta skont il-liġi bil-għan li tistabilixxi l-fatti b’rabta ma’ każ fejn priġunier li ma ngħatax il-ħelsien mill-arrest, kien rilaxxat mill-ħabs u deher…

Lokali

Il-Maltapost qalet li l-ħidma tagħha għadha ma ġietx lura għan-normal riżultat fost l-oħrajn ta’ tnaqqis b’aktar min-nofs fit-titjirjiet kummerċjali, iż-żieda fix-xiri online u l-akkumulazzjoni ta’ posta f’tliet pajjiżi Ewropej. Il-Maltapost…

COVID-19

Tħassar ukoll il-kunċert ta’ Joseph Calleja li din is-sena kellu jsir fl-4 ta’ Settembru fuq il-Fosos tal-Furjana u li issa mistenni jsir f’format differenti. NnG Promotions, l-organizzaturi tal-kunċert li bħala…

Annimali

Ilbieraħ, il-BirdLife Malta ġabret għasfur pjuttost rari li huwa sottospeċi Mediterranja tal-Bies, li nstab ferut b’tiri ta’ senter fl-Għarb, Għawdex. Fi stqarrija, il-BirdLife qalet li l-għasfur instab minn familja li…

Aktar