Lokali
Missier u iben jittressqu l-Qorti akkużati b’kaċċa illegali

Keith-Joseph Mallia ta’ 47 sena u ibnu Mario Mallia, ta’ 20 sena ġew akkużati li l-Ħadd filgħaxija nqabdu għal kaċċa f’ħin mhux permissibbli.

Il-prosekuzzjoni, immexxija mill-Ispettur Colin Sheldon, qal li ż-żewġt irġiel inqabdu għal kaċċa l-Ħadd filgħaxija fl-inħawi tal-Kappella ta’ Santu Kristu f’Ħal Għaxaq wara li l-Pulizija rċeviet rapporti li qed isiru l-illegalitajiet.

L-Ispettur Sheldon qal li Keith-Joseph Mallia kellu fil-pussess tiegħu armi tan-nar li ma kellux liċenzja għalihom. Il-missier, li huwa riċediv, m’ammettiex l-akkużi miġjuba kontrih bl-avukati Franco Debono u Amadeus Cachia, li dehru għaż-żewġ imputati, talbu għall-ħelsien mill-arrest.

Il-Qorti, ippreseduta mill-Maġistrata Doreen Clarke, tatu l-ħelsien mill-arrest fuq garanziija personali ta’ €2,000, depożitu ta’ €200 u fuq għadd ta’ kundizzjonijiet inkluż li jiffirma fl-għassa tal-Pulizija u li ma jużax l-armi tan-nar li huma reġistrati fuq missieru.

L-iben, Mario Mallia, ammetta l-akkużi miġjuba kontrih bil-Qorti ordnatlu jħallas multa ta’ €1,500 fi żmien sitt xhur.

Ara wkoll:

3 persuni arrestati wara li nqabdu b’kaċċa illegali

Ħabs għal missier u iben li ma ngħatawx ċans ieħor mill-Qorti meta nqabdu jisirqu fil-fatt

Aħbarijiet Oħra
Lokali

Plastic Europe, assoċjazzjoni li tiġbor produtturi tal-plastik minn madwar l-Ewropa, iltaqgħet f’Malta biex tiddiskuti mal-esperti u l-politiċi t-triq ‘il quddiem biex l-ibħra ma jibqgħux iservu ta’ miżbla għal eluf ta’…

Lokali

Koppja Maltija li tlett xhur ilu adottat tifel mill-Indja qalet li l-ferħ li tahom dan it-tifel f’ħajjithom huwa indeskrivibbli. Il-Koppja, Ian u Madeleine Sammut Dacoutros għandhom tifel ta’ sena u…

Lokali

Il-Kap Eżekuttiv tal-Wasteserv Tonio Montebello qal li jintremew maż-2 miljun tunnellati ta’ skart li minnhom 333,000 tunnellata jinġabru minn boroz suwed. Huwa qal li nofs dan l-iskart seta’ ġie rriċċiklat….

Lokali

Waqt li komplew l-argumenti favur u kontra l-proposti tal-Gvern għall-emendi fil-liġi tal-IVF, il-Gvern wera qbil mal-President Marie Louise Coleiro Preca li din id-diskussjoni għandha ssir b’mod seren, iżda tenna li…

Aktar