Immigrazzjoni
AĠĠORNAT: Jaslu Malta 37 immigrant – jiddaħħlu f’Xatt it-Tiben

37 immigrant – kollha irġiel – iddaħħlu Malta abbord patrol boat tal-Forzi Armati.

L-immigranti telqu mil-Libja fil-jiem li għaddew u talbu l-għajnuna f’kuntatt li għamlu ma’ għaqda mhux governattiva: Alarm Phone.

L-għaqda qalet li kkuntattjat lill-awtoritajiet Maltin li ħarġu jsalvaw lill-immigranti li kienu fiż-żona ta’ tiftix u salvataġġ fir-responsabilità ta’ Malta.

L-immigranti ddaħħlu fil-kwartieri tal-Iskwadra Marittima tal-Forzi Armati f’Xatt it-Tiben kmieni waranofsinhar.

Mill-bidu tas-sena, il-Forzi Armati daħħlu Malta kważi 1,000 immigrant li ġew salvati f’operazzjonijiet differenti ta’ salvataġġ fuq il-baħar.

Aħbarijiet Oħra
Kronaka

Tilfet ħajjitha l-mara li kienet involuta f’ħabta bejn żewġ vetturi f’Għajnsielem l-għada ta’ Santa Marija. Il-mara, Latvjana ta’ 41 sena li tgħix is-Swieqi, kienet riekba f’vettura tal-għamla Jago Geep flimkien ma’…

Qorti

Raġel ta’ 31 sena li joqgħod Birżebbuġa wkoll ingħata l-ħelsien mill-arrest b’depożitu ta’ elf ewro u garanzija ta’ għaxart elef ewro wara li tressaq il-Qorti mixli li attakka, insulta, hedded…

Qorti

Raġel ta’ 26 sena mix-Xewkija li jaħdem fil-kafeterija tal-vapuri tal-Gozo Channel wieġeb mhux ħati li seraq €1,500 mill-basket ta’ mara li ħallietu warajha fuq mejda. Fil-Qorti, il-prosekuzzjoni ppreżentat filmati tas-CCTV…

Eurovision

Eliana Gomez Blanco se tirrappreżenta lil Malta fil-Junior Eurovision Song Contest 2019 li se ssir fil-Polonja fl-24 ta’ Novembru. Fit-tieni u t-tielet post ikklasifikaw Leah Cauchi u Martina Cutajar rispettivament….

Aktar