Immigrazzjoni
Miżuri biex tiżdied is-sigurtà wara l-protesti mill-immigranti fiċ-ċentru ta’ detenzjoni f’Ħal Safi

Wara l-protesti mill-immigranti fiċ-ċentru ta’ detenzjoni f’Ħal Safi li jridu l-ħelsien, il-Ministeru tal-Intern qal li ttieħdu iżjed miżuri ta’ sigurtà u fl-istess ħin qed jiġu mgħammra aħjar iċ-ċentri miftuħa li eventwalment jilqgħu lill-immmigranti malli jinħarġu miċ-ċentru ta’ detenzjoni.

Il-Ministru Michael Farrugia qal li l-Gvern huwa obbligat fost oħrajn li jipprovdi akkomaddazzjoni għal sena lill-immigranti li jkollhom dritt għal ażil. Qal li Malta kuntrarju għal pajjiżi oħra, toffrilhom ukoll l-opportunità li jsibu xogħol. Miżura oħra li qed tinħema qal Dr Farrugia, hija ftehim mal-knisja ħalli jkun hemm aktar postijiet li jilqgħu lill-immigranti taħt ir-regoli ta’ ċentri miftuħa.

Għall-kritika li l-immigranti qed idumu ma jinħarġu fiċ-ċentri miftuħa, il-Ministru Farrugia qal li dan huwa minħabba eżamijiet mediċi.

Dr Michael Farrugia parti mill-proċess li qed naraw hija li ndewmu kemm jista’ jkun il-proċess ta’ detention relatat ma’ saħħa ħalli nkunu aktar effettivi.

Il-Minisru qal li aktar tard dan ix-xahar ser isir summit bejn il-Ministri tal-Intern ta’ Malta, l-Italja, il-Ġermanja u Franza biex flimkien jissuġġerixu miżuri lill-kunsill tal-Ministri Ewropej dwar l-inżul tal-immigranti u r-rilokazzjoni awtomantika. Qal li Malta ser tissuġġerixxi li numru ta’ immigranti li l-pajjiż jista’ jżomm.

Aħbarijiet Oħra
COVID-19

Raġel ta’ 68 sena huwa d-disa’ vittma tal-Coronavirus f’Malta dan wara li aktar kmieni llum tħabbret il-mewt ta’ raġel ieħor ta’ 56 sena, li miet bl-istess virus. Ir-raġel ta’ 68…

Ambjent

Studju xjentifiku dwar it-tniġġis tal-arja li ġie ppubblikat f’rivisti internazzjonali, jikkalkula l-effetti fit-tul ta’ dan it-tniġġis fuq saħħet il-bniedem. B’mod ġenerali l-istudju juri tnaqqis fl-elementi fini ta’ tniġġis mal-pajjiż iżda…

Immigrazzjoni

Il-pressjoni tal-immigrazzjoni irregolari mil-Libja lejn ix-xtut Ewropej kompliet żdiedet minħabba l-pandemija li qed twassal biex bosta ħaddiema fil-Libja li ma jikkwalifikawx għall-ażil qed jittantaw xortihom jaqsmu l-baħar. Ċifri li għandu…

Edukazzjoni

L-Istitut għall-Edukazzjoni li jħarreġ persuni biex isiru għalliema, qed isib diffikultà biex joffri l-kors tal-Malti għal dawk li jixtiequ jgħallmu s-suġġett. Il-Kap tal-Istitut Joanne Grima stqarret li l-Istitut għadu ma…

Aktar