Lokali
Mogħoż fuq l-irdum f’Wied iż-Żurrieq – darhom jew le?

Għadd ta’ mogħoż ilhom jumejn jidhru jduru fuq l-irdum f’Wied iż-Żurrieq, fl-inħawi tal-Munqar. Ir-ritratt, li ttieħed ilbieraħ minn post magħruf bħala l-Ħnejja, juri madwar sitt mogħżiet.

Wara li r-ritratt ittella’ fuq il-midja soċjali, kienu bosta dawk li esprimew il-fehma li l-irdum huwa d-dar naturali tal-mogħoż, fejn iħobbu jirgħu. Oħrajn iżda qalu li jekk il-mogħoż ma jkunux imrobbija fil-miftuħ u mdorrija fiż-żona, jaf isibu diffikultà biex jitilgħu lura.

Fil-fatt, il-post fejn intlemħu l-mogħoż huwa dejjaq u fil-għoli ħafna, bi blat wieqaf f’ħafna postijiet, tant li n-nies qajla jistgħu jinżlu.

Persuni li tkellmu ma’ TVM qalu li l-mogħoż x’aktarx li ħarbu minn razzett, u għalkemm jaf isibu x’jieklu, jistgħu jkunu neqsin mill-ilma.

Aħbarijiet Oħra
Settur Marittimu

Il-kumpanija Valletta Cruise Port li tmexxi t-terminal tal-passiġġieri tal-cruise-liners u faċilitajiet oħra fil-Port il-Kbir qed tieħu miżuri favur l-ambjent biex tikseb ċertifikazzjoni ta’ port ekoloġiku. Intervistat minn TVM, il-Kap Eżekuttiv…

Knisja Maltija

L-Arċisqof Charles J. Scicluna appella għar-rispett lejn id-dinjità tal-mara waqt quddiesa li fiha talab biex terġa’ tinfetaħ il-kawża għall-beatifikazzjoni ta’ Adelaide Cini, li qal l-eżempju ta’ ħajjitha u l-ħidma li…

Qorti

Il-Qorti Kostituzzjonali laqgħet ir-rikors tal-Ministri Edward Scicluna, Konrad Mizzi u Chris Cardona biex ma jixhdux f’kawża kostituzzjonali iżda fi żmien jumejn iridu jippreżentaw s-silta minn fejn ikkwotaw ir-rapport tal-inkjesta Egrant…

Budget

Il-Ministru għall-Finanzi, Edward Scicluna qal li l-Budget ippreżentat ilbieraħ u r-reazzjoni ġenerali għalih huma turija li l-Gvern hu konxju tal-isfidi, l-opportunitajiet u l-ħtiġijiet tan-nies. F’konferenza tal-aħbarijiet l-għada tal-Budget, il-Ministru Scicluna…

Aktar