Lokali
Mons. Scicluna lest jisma’ l-informazzjoni dwar il-każ ta’ abbuż sesswali fiċ-Ċili

L-Arċisqof Mons. Charles Scicluna jinsab il-Vatikan wara li ġie appuntat mill-Papa Franġisku stess biex jinvestiga l-iskandlu tal-abbuż sesswali fiċ-Ċili. TVM huwa nfurmat li mistenni jdum ġimgħa l-Vatikan.

Id-dinja qed issegwi bir-reqqa l-każ dwar l-abbuż sesswali li kkommetta Fernando Karadima fiċ-Ċili li qajjem furur sħiħ fil-pajjiż wara li tkellem il-Papa dwar il-każ.

Il-Papa Franġisku bagħat għall-Mons Charles Scicluna biex jinvestiga l-iskandlu li nżamm mistur għal bosta snin mill-Isqof Juan Barros.

Il-Mons. Scicluna qal li jinsab lest jisma’ lil kull min jixtieq jissottometti xi informazzjoni li għandu dwar il-każ.

L-investigazzjoni qed tiġi deskritta bħala u-turn tal-Papa wara li, f’Jannar li għadda, kien saħaq li Barros kien innoċenti għax il-Vatikan qatt ma rċieva evidenza kontrih. Kienu bosta li akkużaw lill-Papa li ma kienx qed jifhem il-kriżi reliġjuża kbira li qed taħkem liċ-Ċile, tant li maż-żjara tiegħu fil-pajjiż inħarrqu bosta knejjes.

Kien il-Mons. Scicluna li żvela evidenza dwar abbuż sesswali li wassal għat-tneħħija tal-qassis Messikan Marcial Maciel – fundatur tal-Legionaries of Christ, fl-2005.

Numru ta’ rġiel akkużaw lil Barros li pproteġa lill-Fernando Karadima li nstab ħati f’investigazzjoni tal-Vatikan fl-2011 li kien abbużahom u bosta subien oħra.

Karadima dejjem ċaħad l-allegazzjonijiet kontrih. Barros stqarr li ma kienx jaf bl-abbuż.

Aħbarijiet Oħra
Stejjer Umani

Tfajla ta’ 24 sena bil-kundizzjoni Bi-Polar qalet li minn ħajja solitarja u dipressiva, illum qed tgħix ħajja feliċi grazzi għal mara li qed tiddedika ħajjitha għal żgħażagħ b’diżabiltà. Fiona Ellul…

Lokali

Fis-sajf li ġej, grupp ta’ ċiklisti mil-LifeCycle ser jaqdfu elfejn kilometru fi tliet pajjiżi fl-Ażja biex ikomplu jinġabru fondi għar-riċerka fuq il-mard tal-kliewi u biex tkun iffinanzjata għajnuna psikoloġika għall-pazjenti…

Kultura

Fil-Mużew Marittimu fil-Birgu se jkun hemm esebizzjoni li tiċċelebra l-legat tal-esploratur marittimu, Jacques Cousteau, u l-konnessjoni tiegħu ma’ Malta permezz tal-vapur ‘Calypso’, li wara li baħħar bi vjaġġi bejn Malta…

Sport

Kumpanija Maltija li bbenefikat mill-programm nazzjonali ta’ Riċerka u Innovazzjoni, Fusion, bdiet tipproduċi sistemi ta’ dawl LED biex jintużaw f’kumplessi sportivi. F’kollaborazzjoni ma’ SportMalta, il-kumpanija Altern bdiet tinstalla sistema ta’…

Aktar