Barranin
Morna għal btala mhux biex navvelenaw lil xi ħadd – is-suspettati Russi tal-attakk f’Salisbury

Iż-żewġ Russi akkużati li wettqu l-attakk b’sustanza tossika f’Salisbury qed jiċħdu li marru r-Renju Unit biex javvelenaw lill-ex spija Russu, bintu u żewġ persuni oħra f’żewġ każi separati.

Alexander Petrov u Ruslan Boshirov qalu lill-istazzjon televiżiv Russu RT li huma marru r-Renju Unit għal btala qasira fuq suġġeriment ta’ xi ħbieb tagħhom biex iżuru dan il-pajjiż.

Fl-intervista huma qalu li fost il-postijiet li żaru waqt il-btala kien hemm il-katidral storiku tal-belt u Stonehenge, li jinsab 10 mili bogħod minn Salisbury.

La l-Pulizija u lanqas membru parlamentari tal-belt ta’ Salisbury ma qed jemmnu l-verżjoni taż-żewġt irġiel suspettati bl-attakk ta’ Marzu li għadda meta ġie avvelenat Sergei Skripal u bintu.

Il-prosekuturi Ingliżi qalu li għandhom biżżejjed evidenza biex jakkużaw liż-żewġ Russi bl-attentat ta’ qtil u bil-kumplott tal-qtil b’rabta mal-attakk li wettqu fl-4 ta’ Marzu.

Huma kisbu mandat t’arrest Ewropew u talbu lill-Interpol biex joħorġuh biex jiġu arrestati ż-żewġ suspettati għax ir-Russja ma testradix liċ-ċittadini tagħha barra l-pajjiż.

Ara wkoll:

Żewġ Russi identifikati bħala suspettati tal-avvelenament ta’ ex spija Russu

Aħbarijiet Oħra
Barranin

Fl-Ukrajna, il-Partit tal-President Volodymyr Zelensky mistenni jirbaħ elezzjoni bikrija u jsaħħaħ il-qawwa politika tiegħu. L-exit polls qed juru li l-partit tiegħu se jikseb maġġoranza parlamentari iżda se jkollu bżonn ta’…

Barranin

Ixxandar recording ta’ konverżazzjoni bejn frejgata tar-Royal Navy Ingliża u bastimenti tal-forzi armati Iranjani, mumenti qabel it-tanker taż-żejt Ingliż inħataf fil-Golf nhar il-Ġimgħa. Fir-recording, bastiment Iranjan jgħid lil HMS Montrose…

Aktar